సినీ పరిశ్రమలో హీరో, హీరోయిన్స్ గురించి రూమర్స్ రావడం సాధారణమే. తాజాగా, నిధి అగర్వాల్ గురించి ఓ వైరల్ వార్త సినీ వర్గాల్లో చర్చనీయాంశంగా మారింది. టాలీవుడ్‌లో సవ్యసాచి, మిస్టర్ మజ్ను సినిమాలతో పరిచయమైన నిధి, ఇస్మార్ట్ శంకర్ తో మంచి హిట్ అందుకుంది. ఈ మూవీ తర్వాత తొలిసారి బిగ్ బడ్జెట్ ప్రాజెక్ట్స్ లో అవకాశాలు అందుకుంది.
ప్రస్తుతం నిధి పవన్ కళ్యాణ్ హీరోగా హరిహరవీరమల్లు లో నటిస్తోంది. అలాగే, ప్రభాస్ ప్రధాన పాత్రలో నటిస్తున్న ‘రాజా సాబ్’ సినిమాలో నిధి హీరోయిన్‌గా ఎంపికైంది. మారుతి దర్శకత్వంలో తెరకెక్కుతున్న ఈ సినిమా హారర్ కామెడీ నేపథ్యంలో సాగనుంది. అయితే, నిధి ఈ మూవీలో దెయ్యం పాత్ర పోషిస్తుందంటూ గాసిప్స్ వచ్చాయి.
తాజాగా, ఈ రూమర్స్ పై నిధి అగర్వాల్ క్లారిటీ ఇచ్చింది. “రాజా సాబ్ లో నేను దెయ్యం పాత్రలో నటించడం లేదు. అయితే నా క్యారెక్టర్ మాత్రం అందరినీ ఆశ్చర్యపరిచేలా ఉంటుంది. ఫ్యాన్స్ ఖచ్చితంగా ఈ పాత్రను ఆస్వాదిస్తారు” అని చెప్పింది. అంతేకాకుండా, ప్రభాస్ గురించి మాట్లాడుతూ, “సెట్‌లో ప్రభాస్ ఎప్పుడూ సరదాగా ఉంటారు, అందరిని నవ్విస్తూ మంచి వాతావరణం క్రియేట్ చేస్తారు” అని తెలిపింది.
నిధి అగర్వాల్ ఇన్‌స్టాగ్రామ్ ఫొటోలు ప్రస్తుతం వైరల్ అవుతున్నాయి. రాజా సాబ్ తో పాటు మరిన్ని తెలుగు, తమిళ సినిమాల్లో నటించే అవకాశాలు వెతుకుతోంది. ఇస్మార్ట్ శంకర్ తర్వాత సూపర్ హిట్ కోసం ఎదురు చూస్తున్న నిధి, ఈ సినిమాలతో మరొకసారి టాలీవుడ్‌లో తన స్థానం దృఢం చేసుకోగలదా? అన్నది ఆసక్తికరంగా మారింది!