2023లో విడుదలైన “పరేషాన్” సినిమాతో హీరోయిన్‌గా వెండితెరకు ఎంట్రీ ఇచ్చిన పావని కరణం, తన మొదటి సినిమాతోనే ప్రేక్షకులను ఆకట్టుకుంది. కానీ, మంచి నటన చూపించినా, ఆమెకు హీరోయిన్‌గా పెద్దగా అవకాశాలు రాలేదు. దీంతో చిన్న చిన్న పాత్రలు చేస్తూ ఇండస్ట్రీలో తన అదృష్టాన్ని పరీక్షించుకుంటూ, చివరకు పాన్ ఇండియా మూవీ లో భారీ అవకాశం దక్కించుకుంది.
సుకుమార్ దర్శకత్వంలో అల్లు అర్జున్ నటించిన “పుష్ప” మూవీ సంచలన విజయాన్ని సాధించింది. అయితే, ఈ సినిమా ద్వారా పావని కరణం ఓవర్‌నైట్ స్టార్‌గా మారిపోయింది. మొదటి భాగంలో చిన్న పాత్రలో కనిపించినా, “పుష్ప 2″లో కీలక పాత్ర పోషిస్తూ, తన నటనతో అందరినీ మెప్పించింది. “చిన్ననాయనా” అంటూ అల్లు అర్జున్‌కు బంధుత్వ హంగులా మాట్లాడిన ఆమె డైలాగ్స్ ఇప్పుడు ట్రెండింగ్‌లో మారాయి.
ఈ సినిమా విడుదల తర్వాత పావని ఫ్యాన్ ఫాలోయింగ్ అమాంతం పెరిగిపోయింది. ఆమె నటనకు సినీ విమర్శకులు కూడా మంచి ప్రశంసలు కురిపించారు. ఇక, తన లేటెస్ట్ ఫోటోషూట్‌తో కూడా సోషల్ మీడియాలో హల్‌చల్ చేస్తోంది. పర్పుల్ కలర్ డిజైనర్ డ్రెస్‌లో అదిరిపోయే అందంతో ఫోటోలకు పోజులిచ్చిన పావని, మరింత క్రేజ్‌ను సంపాదించుకుంటోంది.
ప్రస్తుతం ఈ బ్యూటీకి మరో పాన్ ఇండియా మూవీ ఆఫర్ వచ్చిందనే టాక్ ఉంది. త్వరలోనే పావని కరణం, మరింత భారీ సినిమా లో కనిపించనున్నారనే ఆసక్తి సినీ ప్రేమికుల్లో నెలకొంది!