యాక్షన్ సీక్వెన్స్ లో అతని కాలికి తీవ్ర గాయం అయింది. తక్షణమే ఆస్పత్రికి తరలించిన చిత్ర బృందం, వైద్యుల సూచన మేరకు కార్తీకి 2 వారాలు విశ్రాంతి అవసరమని తెలిపారు. ఈ వార్త బయటకు రావడంతో అభిమానులు టెన్షన్ పడిపోయారు. కార్తీ ఆరోగ్యంపై తెలుసుకునేందుకు అతని ఆఫీస్‌కు వేల సంఖ్యలో ఫోన్లు వచ్చాయి.
కార్తీ క్షేమంగానే ఉన్నాడని తెలిసిన వెంటనే అభిమానులు ఆశ్వాసం పొందారు. అయితే గాయ కారణంగా సర్దార్ 2 షూటింగ్ తాత్కాలికంగా నిలిపివేశారు. కార్తీ పూర్తిగా కోలుకున్న తరువాతే మళ్లీ సినిమా చిత్రీకరణ ప్రారంభిస్తామని నిర్మాతలు ప్రకటించారు. గతంలో వచ్చిన సూపర్ హిట్ సర్దార్ సినిమాకు ఇది సీక్వెల్. ఇందులో కార్తీ డ్యూయెల్ రోల్ చేస్తుండటంతో ప్రేక్షకుల్లో అంచనాలు భారీగా ఉన్నాయి.
ఈ స్పై-యాక్షన్ థ్రిల్లర్ చిత్రాన్ని పీఎస్ మిత్రన్ తెరకెక్కిస్తున్నారు. మాళవికా మోహన్, ఆషికా రంగనాథ్ హీరోయిన్లుగా నటిస్తుండగా, ఎస్జే సూర్య, రజిశా విజయన్ ముఖ్య పాత్రలు పోషిస్తున్నారు. సర్దార్ 2 తరువాత ఖైదీ 2 లోనూ కార్తీ ప్రముఖ పాత్ర పోషించనున్నాడు.
కార్తీ త్వరగా కోలుకుని తిరిగి సెట్స్ పై కనిపించాలని అభిమానులు కోరుకుంటున్నారు. టాలీవుడ్, కోలీవుడ్‌లో కార్తీకి భారీ ఫ్యాన్ బేస్ ఉంది. త్వరలోనే అతను సెట్స్ లోకి తిరిగి రావాలని సినీ ప్రేమికులు ఆశిస్తున్నారు!