టాలీవుడ్‌లో ఓ వెలుగు వెలిగిన హీరోయిన్ దీక్షా సేత్, తన తొలి చిత్రం వేదం తోనే అందరి దృష్టిని ఆకర్షించింది. తర్వాత ప్రభాస్ సరసన Rebel సినిమాలో కూడా నటించింది. టాప్ హీరోలతో చేసినా, ఆమె కెరీర్ మాత్రం నిలదొక్కుకోలేకపోయింది. హిట్స్ లేకపోవడంతో, తెలుగులో ఆఫర్స్ తగ్గిపోయాయి.
2012లో వచ్చిన ఊ కొడతార ఉలిక్కిపడతారా తర్వాత దీక్షా సినిమాలకు దూరమైంది. బాలీవుడ్‌లోనూ Lekar Hum Deewana Dil, The House of the Dead 2 చిత్రాల్లో నటించినా, అక్కడ కూడా స్టార్‌డమ్ దక్కలేదు. కన్నడలో కూడా ప్రయత్నించినా, ఆమెకు విజయం మాత్రం దక్కలేదు.
ఈ నేపథ్యంలో సినిమాలకు గుడ్‌బై చెప్పిన దీక్షా, లండన్‌లో ఐటీ రంగంలో స్థిరపడింది. ప్రస్తుతం అక్కడే ఒక ప్రముఖ సాఫ్ట్‌వేర్ కంపెనీలో ఉద్యోగం చేస్తున్నట్లు సమాచారం. తారగా కనిపించిన ఈ భామ, కార్పొరేట్ లైఫ్ ఎంచుకోవడంతో నెట్టింట్లో తెగ ట్రెండ్ అవుతోంది.
ఒకప్పుడు ప్రభాస్, అల్లు అర్జున్ వంటి స్టార్ హీరోలతో స్క్రీన్ షేర్ చేసుకున్న దీక్షా, ఇప్పుడు వెండితెరకి దూరంగా ఉండటాన్ని చూసి అభిమానులు ఆశ్చర్యపోతున్నారు. అయితే, కెరీర్ పరంగా ఒకటి విఫలమైతే, మరొకటి దారులు తెరుస్తాయని దీక్షా ప్రూవ్ చేసింది!