ఆదిత్య ధర్ దర్శకత్వంలో రణవీర్ సింగ్ కథానాయకుడిగా రూపొందిన ‘ధురంధర్: ది రివెంజ్’ బాక్సాఫీస్ వద్ద ఘనవిజయాన్ని అందుకుంటోంది. ఈ చిత్రంలో నటుడు అర్జున్ రాంపాల్ ఒక పవర్ ఫుల్ పాత్రను పోషించాడు. ఇటీవల ఒక ఇంటర్వ్యూలో ఆయన మాట్లాడుతూ, 2008లో జరిగిన 26/11 ముంబై ఉగ్రదాడుల సమయంలో తన సొంత అనుభవాలను పంచుకున్నాడు. ఆ దురదృష్టకరమైన రోజు తన పుట్టినరోజు కావడం గమనార్హం. తన స్నేహితులతో కలిసి తాజ్ హోటల్కు వెళ్లేందుకు సిద్ధమవుతుండగా, ఒక్కసారిగా పేలుడు శబ్దాలు వినిపించాయని, ఆ భయానక వాతావరణం తనను తీవ్రంగా కలిచివేసిందని ఆయన గుర్తు చేసుకున్నాడు.
ఉగ్రదాడుల తీవ్రత పెరగడంతో తాను ఉన్న హోటల్ మొత్తం దిగ్బంధనంలోకి వెళ్ళిపోయిందని, ఆ రాత్రంతా అక్కడే ఉండి ముంబై నగరం ఎదుర్కొన్న భీభత్సాన్ని కళ్ళారా చూశానని అర్జున్ రాంపాల్ ఆవేదన వ్యక్తం చేశాడు. మరుసటి రోజు ఉదయం ఇంటికి తిరిగి వెళ్తున్నప్పుడు ఆ దృశ్యాలను తలచుకుని తనకు వాంతులు వచ్చినంత పని అయిందని ఆయన పేర్కొన్నాడు. ఆ చేదు జ్ఞాపకాలు తన మనసులో ఎప్పటికీ చెరిగిపోని గాయంగా మిగిలిపోయాయని ఆయన వివరించాడు.
దర్శకుడు ఆదిత్య ధర్ తనకు ‘ధురంధర్’ కథను వినిపించినప్పుడు, అందులోని 26/11 సన్నివేశం తన పాత జ్ఞాపకాలను తట్టిలేపిందని అర్జున్ అన్నాడు. ఆ ఉగ్రవాదులపై తనకున్న కోపాన్ని, ఆవేదనను ఈ సినిమా ద్వారా ప్రతీకారంగా తీర్చుకునే అవకాశం లభించిందని ఆయన భావించాడు. అందుకే ఈ పాత్రను ఎంతో ఇష్టపడి చేశానని చెబుతూ, చివరగా “భారత్ మాతా కీ జై” అంటూ తన దేశభక్తిని చాటుకున్నాడు.
The publish రివెంజ్ కోసమే ధురంధర్ చేసిన అర్జున్ రాంపాల్..! first gave the impression on Newest Telugu Film Information, Critiques, OTT, OTT Critiques, Rankings.