బాలీవుడ్ లవ్లీ కపుల్ ఎవరు అంటే ఆ లిస్ట్ లో మలైకా అరోరా, అర్జున్ కపూర్ పేర్లు కూడా ఉంటాయి. పెళ్లి చేసుకోకపోయినా చాలా కాలంగా రిలేషన్ లో ఉంటున్నారు ఈ జంట. ఈ జంట విడిపోతున్నారని చాలా రోజులుగా వార్తలు వినిపిస్తున్నాయి. అర్జున్, మలైకా ఇన్‌స్టాగ్రామ్ కథనాలలో ఒకరి గురించి ఒకరు పరోక్షంగా మాట్లాడుకుంటూ ఉంటా అలాగే ఒకరి పుట్టిన రోజుకు ఒకరు విషెస్ కూడా తెలుపుకోలేదు. సోషల్ మీడియాలోనూ ఏ పోస్ట్ షేర్ చేయలేదు. దాంతో ఈ జంట విడిపోతున్నారని బాలీవుడ్ లో టాక్ గట్టిగా వినిపించింది. ఇప్పుడు తాజాగా ఓ ఇంటర్వ్యూలో ప్రేమ గురించి మాట్లాడింది మలైకా.. అర్జున్‌తో విడిపోతున్నట్లు వార్తలు వచ్చినప్పటికీ, ఇప్పటికీ ప్రేమను నమ్ముతున్నానని చెప్పింది. నిజమైన ప్రేమ అనే ఆలోచనను నేను ఎప్పటికీ వదులుకోను’ అని మలైకా తెలిపింది.
తాజాగా ఓ ఇంటర్వ్యూలో మలైకా మాట్లాడుతూ.. ‘ఏం జరిగినా నిజమైన ప్రేమ అనే భావనపై నమ్మకం కోల్పోను. వృశ్చికరాశివారు అంతే. ప్రేమ కోసం చివరి వరకు పోరాడతాను’ అని తెలిపింది. ‘నేను నన్ను ఒంటరి చేసుకున్నాను. ఇది కాలక్రమేణా నేను నేర్చుకున్న విషయం. విషయాలు నన్ను ప్రభావితం చేయలేదని నేను చెబితే.. నేను అబద్ధం చెప్పినట్టు అవుతుంది. ట్రోల్ చేస్తే ఏడుస్తాను. నేను మనిషినే’ అని ఆమె తెలిపింది అలాగే ఆమె మాట్లాడుతూ..
ఇవి కూడా చదవండి
మలైకా సోషల్ మీడియాలో ట్రోల్స్ గురించి మాట్లాడింది.. ‘ఎన్ని ప్రతికూలతలు నన్ను చుట్టుముట్టినప్పటికీ, అది నన్ను ప్రభావితం చేయనివ్వను. అది వ్యక్తులు, పని లేదా సోషల్ మీడియా గురించి కావచ్చు. ఆ నెగెటివ్ ఎనర్జీని నేను అనుభవించిన క్షణం నేను వారి నుండి దూరంగా ఉంటాను. మొదట్లో నాకు అలాంటి వాటితో విసుగు వచ్చేది. రాత్రుళ్ళు నిద్రకూడా పట్టేది కాదు. నేను కూడా మనిషినే, నాకు ఏడుపువస్తుంది, నేను కూడా అలసిపోయాను,’ అని చెప్పుకొచ్చింది. కాగా మలైకా, అర్బాజ్ 19 సంవత్సరాల వివాహం తర్వాత 2017 లో విడాకులు తీసుకున్నారు. ఇద్దరికీ అర్హాన్ అనే కొడుకు ఉన్నాడు. ఆతర్వాత అర్జున్ కపూర్ తో ప్రేమలో పడింది మలైకా.. అర్జున్‌తో ఉన్న సంబంధం కారణంగా మలైకా తరచుగా ట్రోల్‌లను ఎదుర్కొంటుంది.
మరిన్ని సినిమా వార్తల కోసం ఇక్కడ క్లిక్ చేయండి.