కార్తికేయ గుమ్మకొండ (Karthikeya gummakonda) హీరోగా నటించిన “భజే వాయు వేగం” (Bhaje vayu vegam) సినిమా డిజిటల్ ప్లాట్ ఫామ్ మీద కూడా మంచి రెస్పాన్స్ తెచ్చుకుంటోంది. మూడు రోజుల కిందట నెట్ ఫ్లిక్స్ (Netflix) లో ఈ సినిమా స్ట్రీమింగ్ మొదలైంది. తక్కువ టైమ్ లో ట్రెండింగ్ లోకి వచ్చింది. ప్రస్తుతం నెట్ ఫ్లిక్స్ లో ఈ సినిమా నెంబర్ 2లో ట్రెండ్ అవుతోంది. ఈ సందర్భంగా మూవీ టీమ్ తమ సంతోషాన్ని వ్యక్తం చేసింది.
“భజే వాయు వేగం” సినిమాను యూవీ క్రియేషన్స్ సమర్పణలో యూవీ కాన్సెప్ట్స్ (UV concepts) బ్యానర్ నిర్మించింది. కార్తికేయ సరసన ఐశ్వర్య మీనన్ హీరోయిన్ గా నటించిన ఈ చిత్రంలో హ్యాపీ డేస్ ఫేమ్ రాహుల్ టైసన్ (Rahul tyson) కీలక పాత్రను పోషించారు. ఎమోషనల్ యాక్షన్ థ్రిల్లర్ కథతో దర్శకుడు ప్రశాంత్ రెడ్డి (Prashant reddy) ఈ చిత్రాన్ని రూపొందించారు. థ్రిల్లర్స్ ఇష్టపడే మూవీ లవర్స్ నెట్ ఫ్లిక్స్ లో “భజే వాయు వేగం” సినిమాను ఎంజాయ్ చేస్తున్నారు.