Yadamma Raju: యాదమ్మ రాజు పటాస్ కార్యక్రమాల ద్వారా ప్రేక్షకులకు పరిచయమైన ఈయన అనంతరం జబర్దస్త్ కార్యక్రమంలో కూడా తన కామెడీ పంచ్ డైలాగుల ద్వారా ప్రేక్షకులను మెప్పించారు. ఇలా జబర్దస్త్ కార్యక్రమంలో కొనసాగుతూనే మరోవైపు శ్రీదేవి డ్రామా కంపెనీ కార్యక్రమంలో సందడి చేస్తారు ప్రస్తుతం స్టార్ మా లో ప్రసారమవుతున్న కిరాక్ బాయ్స్ ఖిలాడి లేడీస్ కార్యక్రమంలో కూడా సందడి చేస్తున్నారు.
ఇలా జబర్దస్త్ కార్యక్రమం ద్వారా మంచి పేరు ప్రఖ్యాతలు సొంతం చేసుకున్న ఈయన యూట్యూబర్ స్టెల్లా ప్రేమలో పడ్డారు దాదాపు 8 సంవత్సరాల పాటు ప్రేమలో ఉన్నటువంటి ఈ జంట గత ఏడాదిన్నర క్రితం పెళ్లి చేసుకుని ఒకటయ్యారు. ఇలా ఏడాదిన్నర పాటు వైవాహిక జీవితంలో ఎంతో సంతోషంగా ఉన్నటువంటి వీరిద్దరూ తాజాగా సోషల్ మీడియా వేదికగా శుభవార్తను తెలియజేశారు.
తామిద్దరం తల్లిదండ్రులు కాబోతున్నామని శుభవార్తను యాదమ్మ రాజు వెల్లడించారు అంతేకాకుండా తన భార్య ప్రెగ్నెన్సీకి సంబంధించిన ఫోటోలను కూడా ఈయన సోషల్ మీడియా వేదికగా షేర్ చేస్తూ..ఎనిమిదేళ్ల అపురూపమైన ప్రేమ, ఏడాదిన్నర వైవాహిక బంధం, ఊహించని సవాళ్లు, నవ్వులు, కన్నీళ్లు.. ఇలా జీవితంలోని ప్రతిక్షణం మమ్మల్ని మరింత దగ్గర చేశాయి.
మరొకరు రాబోతున్నారు…
ఇప్పుడు మా బంధం మరింత బలపడింది. మా కుటుంబంలోకి మరొకరు వస్తున్నారని చెప్పడానికి మాకెంతో సంతోషంగా ఉంది. జీవితంలో కొత్త ప్రయాణాన్ని ప్రారంభించేందుకు ఎంతో ఆసక్తిగా ఎదురు చూస్తున్నాం. మాపై మీరు చూపిస్తున్న దీవెనలు, మద్దతు, ప్రేమాభిమానాలకు ధన్యవాదాలు అని తన ఆనందాన్ని తెలియజేస్తూ చేసిన ఈ పోస్ట్ ప్రస్తుతం వైరల్ అవుతుంది.