Nagababu: నాగబాబు పరిచయం అవసరం లేని పేరు. మెగా బ్రదర్ గా మాత్రమే కాకుండా ఇండస్ట్రీలో నిర్మాతగా నటుడిగా కూడా కొనసాగిన ఈయన ప్రస్తుతం రాజకీయాలలో ఎంతో బిజీగా గడుపుతున్నారు. ఇలా జనసేన పార్టీలో కీలక పాత్ర పోషించిన నాగబాబు కూటమి గెలుపు కోసం పోటీ నుంచి తప్పుకొని కూటమి విజయం కోసం కష్టపడ్డారు.
ఇక నిత్యం పార్టీలో ఎంతో యాక్టివ్ గా ఉంటూ అన్ని వ్యవహారాలను చక్కబెడుతున్నారు. ఈ క్రమంలోనే ఇటీవల మంగళగిరి జనసేన పార్టీ కార్యాలయంలో జరిగిన జనసేన క్రియాశీలక సభ్యత్వ నమోదు కార్యక్రమంలో భాగంగా నాగబాబు తన అన్నయ్య చిరంజీవి తమ్ముడు పవన్ కళ్యాణ్ గురించి మాట్లాడుతూ చేసిన వ్యాఖ్యలు సంచలనంగా మారాయి.
తాను నిర్మాతగా ఇండస్ట్రీలో కోట్ల రూపాయలు నష్టపోయినప్పుడు నా పక్కన నిలిచింది నా అన్నయ్య చిరంజీవి, తమ్ముడు పవన్ కళ్యాణ్ మాత్రమేనని తెలిపారు. ఈ జీవితం వాళ్ళ ఆశయాల కోసమే. వాళ్ళ కోసం నిలబడి నాకు చేతనైనంత వరకు సేవ చేస్తాను. రాజకీయాల్లో నాకంటూ ఎలాంటి ఆశలు లేవు అలాగే పదవి కాంక్ష కూడా లేదు.
కూటమి రావటం మన అదృష్టం..
నా ఒంట్లో శక్తి, ఓపిక ఉన్నంతవరకు తమ్ముడు పవన్ కళ్యాణ్ కలల కోసం పనిచేస్తాను.మనం గొప్పవాళ్ళం కాకపోయినా గొప్పవాళ్లకు అండగా నిలబడాలి. నేను అది చేయగలిగాను. పవన్ కళ్యాణ్ డిప్యూటీ సీఎం కావడం మన అదృష్టం ఏపీలో కూటమి అధికారంలోకి రావడం శుభ పరిణామం అంటూ ఈ సందర్భంగా నాగబాబు చేసిన ఈ వ్యాఖ్యలు సంచలనంగా మారాయి.