1980’s Radhekrishna Telugu Official Teaser Released: ఎస్ వి క్రియేషన్స్ బ్యానర్ పై ఊడుగు సుధాకర్ నిర్మాతగా ఇస్మాయిల్ షేక్ దర్శకత్వంలో ఎస్ఎస్ సైదులు హీరోగా భ్రమరాంబిక, అర్పిత లోహి హీరోయిన్లుగా ఎంఎల్ రాజా సంగీత దర్శకత్వంలో వస్తున్న సినిమా రాధే కృష్ణ. ఈ సినిమాని తెలుగు -బంజారా భాషల్లో విడుదల చేస్తున్నారు. ఈ సినిమాకు సంబంధించిన టీజర్ లాంచ్ ఈవెంట్ గ్రాండ్ గా జరిగింది. ఈ కార్యక్రమంలో ముఖ్య అతిథులుగా నిర్మాత బెక్కం వేణుగోపాల్, నిర్మాత రామ్ తాళ్లూరి, హీరో సోహెల్, ఆటో రాంప్రసాద్ హాజరయ్యారు. హీరో ఎస్ ఎస్ సైదులు మాట్లాడుతూ ఈ సినిమా ప్రీ రిలీజ్ ఈవెంట్లో మంచి సర్ప్రైజ్ ఉంది.
కచ్చితంగా అందరికీ సినిమా నచ్చుతుందని ఆశిస్తున్నానన్నారు. హీరోయిన్ భ్రమరాంబికా మాట్లాడుతూ టీజర్ కి తనికెళ్ల భరణి గారి వాయిస్ చాలా ప్లస్ అయింది. ఆయన వాయిస్ ఓవర్ వల్లే చాలా మందికి మా టీజర్ రీచ్ అవుతుంది. 1980లో అప్పటి సిచువేషన్స్ కి తగినట్లు రాధే కృష్ణ సినిమా తీశారు డైరెక్టర్ ఇస్మాయిల్. విజువల్ గా పాషా గారు ఇంకా బాగా చూపించారు. మ్యూజిక్ అండ్ సాంగ్స్ కి మంచి రెస్పాన్స్ వస్తోంది. కచ్చితంగా ఈ సినిమా ప్రేక్షకులందరికీ నచ్చుతుందని ఆశిస్తున్నాను అన్నారు.