Vijay Kumar సినిమా ఇండస్ట్రీలోకి స్టార్ హీరోల వారసులు కూడా రావడం సర్వసాధారణం. ఇలా ఎంతోమంది సెలబ్రిటీల పిల్లలు ఇండస్ట్రీలో కొనసాగుతూ కెరియర్ పరంగా బిజీగా ఉన్నారు. అయితే కొంతమంది అవకాశాలు లేక ఇండస్ట్రీకి కూడా దూరంగా ఉన్నారు. అయితే సౌత్ సినిమా ఇండస్ట్రీలో స్టార్ హీరోగా ఓ వెలుగు వెలిగిన వారిలో సీనియర్ నటుడు విజయ్ కుమార్ ఒకరు.
ఈయన తెలుగు తమిళ భాష చిత్రాలలో నటించి ఎంతో అద్భుతమైన ఆదరణ సొంతం చేసుకున్నారు. తెలుగులో ఈయన ఏకంగా 40 సినిమాల వరకు నటించి ప్రేక్షకులను మెప్పించారు. ఇలా నటుడిగా ఎంతో మంచి సక్సెస్ అందుకున్న విజయ్ కుమార్ పిల్లలు కూడా ఇండస్ట్రీలో హీరో హీరోయిన్లుగా కొనసాగుతున్నారు.
విజయ్ కుమార్ కొడుకు అరుణ్ కుమార్ టాలీవుడ్ ఇండస్ట్రీలో పలు సినిమాలలో నటించారు. ప్రభాస్ హీరోగా నటించిన సాహో చిత్రంలో ఆయనకు ఫ్రెండ్ పాత్రలో నటించారు. అలాగే రాంచరణ్ బ్రూస్లీ సినిమాలో కూడా నటించారు. ఇక ఈయన కుమార్తెలు శ్రీదేవి విజయ్ కుమార్ ప్రభాస్ హీరోగా నటించిన ఈశ్వర్ సినిమాలో హీరోయిన్గా నటించారు.
శ్రీదేవి..
ఇక మరో కుమార్తె వనిత విజయ్ కుమార్ సైతం దేవి మూవీ ద్వారా హీరోయిన్ గా ఇండస్ట్రీలోకి అడుగుపెట్టి పలు సినిమాలలో నటించి మెప్పించారు. ఇక ప్రీతా విజయ్ కుమార్ రుక్మిణి అనే సినిమాలో హీరోయిన్గా నటించింది. ఆ తర్వాత మా అన్నయ్య సినిమాలో కూడా ప్రీతా విజయ్ కుమార్ నటించింది. క్షేమంగా వెళ్లి లాభంగా రండి, ప్రియమైన నీకు వంటి సినిమాల్లో కూడా నటించి మెప్పించారు.