Family Diseases:కుటుంబం నుంచి సంక్రమించే కొన్ని వ్యాధులు ఉన్నాయి. వీటిని జన్యు వ్యాధులు అంటారు. తల్లిదండ్రులు, తాతలు, ఇతర కుటుంబ సభ్యులెవరైనా తీవ్రమైన వ్యాధిని కలిగి ఉంటే మీకు ఆ వ్యాధి వచ్చే అవకాశాలు ఉన్నాయి. జన్యుపరమైన వ్యాధులు ముందుగానే గుర్తిచడం, సమయానికి పరీక్షించడం, ఆరోగ్యకరమైన జీవనశైలి ద్వారా ప్రమాదాన్ని తగ్గించవచ్చు. కుటుంబ జన్యు వ్యాధులు గురించి తెలుసుకోవడం, అప్రమత్తంగా ఉండటం ఆరోగ్యానికి చాలా మంచిదని నిపుణులు చెబుతున్నారు. జన్యుపరమైన వ్యాధులు ఆరోగ్యాన్ని ఎలా ప్రభావితం చేస్తుంది ఇప్పుడు చూద్దాం.
మధుమేహం అనేది సాధారణ వ్యాధి. దీనిలో శరీరంలో చక్కెరస్థాయి పెరుగుతుంది. తల్లిదండ్రులు, ఇతర కుటుంబ సభ్యులకు మధుమేహం ఉంటే ఈ వ్యాధితో బాధపడే ప్రమాదం పెరుగుతుంది. మధుమేహాన్ని నియంత్రించడానికి, రెగ్యులర్ చెకప్‌లు, సరైన మందులు, ఆరోగ్యకరమైన జీవనశైలి అలవాటు చేసుకోవాలి.
గుండెపోటు, అధిక రక్తపోటు వంటి గుండె సంబంధిత సమస్యలు జన్యుపరమైనవి. కుటుంబంలో ఎవరికైనా గుండెజబ్బు ఉంటే దానిపై శ్రద్ధ వహించాలి. లేకుంటే గుండె జబ్బుల ప్రమాదం పెరుగుతుంది. ప్రతిరోజూ గుండెను తనిఖీ చేసుకోవాలి.
క్యాన్సర్ అనేది శరీరంలోని కణాలు అనియంత్రితంగా పెరగడం ప్రారంభించే వ్యాధి. రొమ్ము, ప్రోస్టేట్, పెద్దప్రేగు క్యాన్సర్ వంటి కొన్ని రకాల క్యాన్సర్లు జన్యుపరమైనవి కావచ్చు. కుటుంబంలో ఎవరికైనా క్యాన్సర్ ఉంటే మీకు వచ్చే అవకాశం ఉంటుంది. సకాలంలో చికిత్స తీసుకుంటే ఈ ప్రమాదాన్ని తగ్గించవచ్చు.
అధిక రక్తపోటు జన్యుపరమైన వ్యాధి కావచ్చు. కుటుంబంలో ఎవరికైనా అధిక రక్తపోటు ఉంటే ఈ సమస్యను ఎదుర్కోవలసి ఉంటుంది. దీనిని నియంత్రించడానికి రక్తపోటును క్రమం తప్పకుండా చెక్‌ చేయాలి, డాక్టర్ల సలహాను పాటించాలి.
వ్యాధులను నివారించే మార్గాలు:
కుటుంబంలో జన్యుపరమైన వ్యాధి ఉంటే జాగ్రత్తగా ఉండాలి. దీనిని నివారించడానికి ఆరోగ్యాన్ని ఎప్పటికప్పుడు తనిఖీ చేయాలి. అంతేకాకుండా సమతుల్య ఆహారం, క్రమం తప్పకుండా వ్యాయామం, తగినంత నిద్ర, ఒత్తిడిని నియంత్రించడం వల్ల వ్యాధుల సమస్య తగ్గుతుంది.
గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
Also Read : ఔటర్‌పై మరో ఘోర రోడ్డు ప్రమాదం.. ఐదుగురి మృతి!
