Andhra Pradesh: కడపలో క్యాంపు రాజకీయాలు..నేతలను కాపాడుకునేందుకు వైసీపీ పాట్లు

దాంతో పాటూ జడ్పీటీసీలు కూడా వైసీపీని వీడి వెళ్ళేందుకు సిద్ధమయ్యారని తెలుస్తోంది. అది కూడా పాటీ అధినేత సొంత జిల్లా కడప నుంచి అని చెబుతున్నారు. దీంతో జడ్పీటీసీలను కాపాడుకునేందుకు క్యాంపు పాలిటిక్స్ కు వైసీపీ అధిష్టానం తెరలేపింది. రాజంపేట ఎమ్మెల్యే స్వగ్రామమైన అకేపాడులో జడ్పీటీసీల క్యాంపు ఏర్పాటు చేసింది. ఇప్పటికే అయిదుగురు జడ్పీటీసీలు చేజారిపోయారు. ఎన్నికలకు ముందే వీరు కూటమిలో చేరారు. ఆ తరువాత 49 జడ్పీటీసీల్లో రెండు స్థానాలు ఖాళీ అయ్యాయి. పులివెందుల జడ్పీటీసీ మృతితో ఒక ఖాళీ అయింది. ఒంటిమిట్ట జడ్పీటీసీ పదవికి ఎమ్మెల్యే అకేపాటి అమర్నాథ్ రెడ్డి..రాజీనామా చేశారు. ఇక 47మందిలో 5గురు చేజారిపోవడం, మరి కొందరు టీడీపీ వైపు చూస్తుండటంతో వైసీపీ అధిష్టానం అలెర్ట్ అయింది. ఇటీవల 42మంది జడ్పీటీసీలతో విజయవాడలో పార్టీ అధినేత జగన్ సమావేశమయ్యారు. అందులో జడ్పీ చైర్మన్ గా రాంగోవింద రెడ్డి పేరు ఖరారు చేశారు.

ఇక మరోవైపు వైసీపీ జడ్పీటీసీలను టీడీపీ వైపు తిప్పుకునేందుకు నేతల పావులు కదుపుతున్నారు. కొందరు వైసీపీ నేతలు టీడీపీకి టచ్ లో ఉన్నట్లు ప్రచారం జరుగుతోంది. వారు పార్టీని వీడి వెళ్ళేందుకు రెడీగా ఉన్నారని సమాచారం. దీంతో అలెర్ట్ అయ్యారు వైసీపీ నేతలు. ఆకేపాడులో క్యాంపుకు ఎమ్మెల్యే, మాజీ ఎమ్మెల్యే, ఇంచార్జిలకు నియోజకవర్గ పరిధిలోని జడ్పీటీసీలను క్యాంపుకు తరలించే బాధ్యతలను తీసుకున్నారు. మొత్తానికి సొంత పార్టీలో నేతలను కాపాడుకునేందుకు పార్టీ అధినేత జగన్ నడుం బిగించారు. ఇలా ఒక్కొక్కరే పార్టీని వీడి వెళ్ళిపోతే అసలు మొదటికే మోసం వస్తుందని ఆయన భావిస్తున్నట్టు తెలుస్తోంది.

ఇది కూడా చదవండి: Hurun Rich List: ముకేశ్‌ను వెనక్కు నెట్టిన అదానీ.బిలియనీర్ల జాబితాలో 21 ఏళ్ళ కుర్రాడు

[vuukle]