Manas: బిగ్ బాస్ కార్యక్రమాల ద్వారా ఎంతో మంచి సక్సెస్ అందుకున్నారు నటుడు మానస్.ఈయన ప్రస్తుతం బుల్లితెర నటుడిగా బ్రహ్మముడి సీరియల్ లో నటిస్తూ ఎంతోమంది అభిమానులను సొంతం చేసుకున్నారు. ఇలా బుల్లితెర నటుడిగా ఎంతో క్రేజీ సొంతం చేసుకున్న మానస్ తండ్రిగా ప్రమోట్ అయ్యారు. గత ఏడాది నవంబర్ లో శ్రీజ అనే సాఫ్ట్ వేర్ ఇంజనీర్ ను పెళ్లి చేసుకున్న ఈయన ఏడాదిలోపే తండ్రిగా ప్రమోట్ అయ్యారు.
మానస్ సోషల్ మీడియాలో ఎంతో యాక్టివ్ గా ఉంటారు. ఈ క్రమంలోనే తన భార్యకు గతంలో నిర్వహించిన సీమంతపు వేడుకకు సంబంధించిన ఫోటోలను ఈయన సోషల్ మీడియా వేదికగా షేర్ చేసారు. అయితే ఈ ఫోటోలను సోషల్ మీడియాలో షేర్ చేసిన కొంత సమయానికే మానస్ తాను తండ్రి అయ్యాను అంటూ మరో శుభవార్తను తెలిపారు.
శ్రీజ మగ బిడ్డకు జన్మనిచ్చినట్టు ఈయన సోషల్ మీడియా వేదికగా తెలియజేశారు. మరోవైపు ఈయన తల్లి పద్మిని సైతం అబ్బాయి పుట్టాడని గ్రాండ్ పేరెంట్స్ గా ప్రమోట్ అయ్యాము అంటూ ఆమె కూడా సోషల్ మీడియాలో షేర్ చేశారు. ఇక తమ బాబుకి శ్రీమన్ అనే పేరును కూడా పెట్టినట్లు మానస్ తెలిపారు.
శ్రీమన్..
ఈ విధంగా మానస్ తండ్రి అయ్యారనే విషయం తెలియడంతో ఎంతోమంది సినీ సెలబ్రిటీలు అలాగే అభిమానులు కూడా ఈయనకు సోషల్ మీడియా వేదికగా శుభాకాంక్షలు తెలియజేస్తున్నారు. ఇలా తనకు కొడుకు పుట్టాడనే విషయాన్ని చెప్పిన మానస్ తన కొడుకు ఫోటోలను మాత్రం ఎక్కడ షేర్ చెయ్యలేదు.