Translate this News:
Health Tips: ప్రపంచవ్యాప్తంగా నాన్‌వెజ్ పెద్ద ఎత్తున వినియోగిస్తున్నారు. ఇందులో ప్రోటీన్, విటమిన్ బి12, ఐరన్ వంటి ముఖ్యమైన పోషకాలు పుష్కలంగా ఉన్నాయి. అయితే నాన్‌వెజ్ ఎక్కువగా తినడం కొన్నిసార్లు ఆరోగ్యానికి హానికరమట. నాన్‌వెజ్ ముఖ్యంగా రెడ్‌మీట్, ప్రాసెస్డ్ మీట్ వంటివి ఎక్కువగా తినడం వల్ల క్యాన్సర్ వచ్చే ప్రమాదం ఉందని ఇటీవలి పరిశోధనలు చేశారు. 2015లో దీనిపై ప్రపంచ ఆరోగ్య సంస్థకి చెందిన రీసెర్చ్ ఆన్ క్యాన్సర్ ఒక ముఖ్యమైన నివేదికను విడుదల చేసింది. ఈ నివేదికలో రెడ్‌మీట్ ముఖ్యంగా ప్రాసెస్ చేసిన మాంసం, క్యాన్సర్ కారకంగా పని చేస్తుంది. IARC 800 కంటే ఎక్కువ అధ్యయనాలను సమీక్షించిన తర్వాత ఈ నివేదికను విడుదల చేసింది. నాన్‌వెజ్ తింటే ఎలాంటి సమస్యలు వస్తాయో ఈ ఆర్టికల్‌లో కొన్ని విషయాలు తెలుసుకుందాం.
పూర్తిగా చదవండి..
ఎర్ర, ప్రాసెస్ చేసిన మాంసం:
- గొడ్డు , పంది, మటన్, గొర్రెలు మాంసం వంటి రెడ్‌మీట్‌ను ఎక్కువగా కొలొరెక్టల్ క్యాన్సర్ ప్రమాదాన్ని పెంచుతుంది. బేకన్, సాసేజ్, సలామీ, హాట్‌డాగ్‌లు వంటి ప్రాసెస్ చేసిన మాంసాలను తింటే కొలొరెక్టల్ క్యాన్సర్, కడుపు క్యాన్సర్ వచ్చే ప్రమాదం ఉంది. ప్రాసెస్ చేసిన మాంసంలో నైట్రేట్లు వంటి రసాయనాలు శరీరంలో క్యాన్సర్ కారక నైట్రోసమైన్‌లను సృష్టించగలవు.
రెడ్‌మీట్‌లో హేమ్ ఐరన్:
- రెడ్‌మీట్‌లో ఉండే హీమ్ ఐరన్ క్యాన్సర్ అభివృద్ధిలో ముఖ్యమైన పాత్ర పోషిస్తుంది. ఎర్ర మాంసం జీర్ణం అయినప్పుడు.. ఈ ఐరన్ పెద్దప్రేగు కణాలతో రసాయనికంగా చర్య జరిపి, నైట్రోసమైన్‌లు అనే క్యాన్సర్ కారక సమ్మేళనాలను ఏర్పరుస్తుంది. ఈ సమ్మేళనాలు DNAను దెబ్బతీస్తాయి. ఇది క్యాన్సర్‌కు కారణమవుతుంది.
నైట్రేట్లు-నైట్రేట్ల వాడకం:
- ప్రాసెస్ చేసిన మాంసాన్ని నిల్వ చేయడానికి నైట్రేట్లు వంటి రసాయనాలను ఉపయోగిస్తారు. ఈ రసాయనాలు మాంసం సంరక్షణ, రుచి కోసం ఉంటాయి. కానీ శరీరంలోకి చేరిన తర్వాత అవి క్యాన్సర్ కారక నైట్రోసమైన్‌లుగా మారతాయి. అదనంగా ప్రాసెసింగ్ సమయంలో అధిక ఉష్ణోగ్రతల వద్ద మాంసాన్ని వండడం వల్ల క్యాన్సర్ ప్రమాదాన్ని పెంచే హెటెరోసైక్లిక్ అమిన్స్, పాలీసైక్లిక్ ఆరోమాటిక్ హైడ్రోకార్బన్స్‌ వంటి హానికరమైన రసాయనాలను ఉత్పత్తి చేస్తారని నిపుణులు చెబుతున్నారు.
గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
[vuukle]
