Manchu Vishnu Releases The Deal Movie Song: ఈశ్వర్ సినిమాతో వెండితెరకు పరిచయమై ఆ సినిమాలో ప్రభాస్ స్నేహితుడిగా నటించిన హను కోట్ల “నటుడిగా, దర్శకుడిగా ” తెరకెక్కిన “ది డీల్ ” సినిమా అక్టోబర్ 18న విడుదల కాబోతుంది. H. పద్మా రమాకాంత రావు, రామకృష్ణ కొళివి నిర్మాణ సారథ్యంలో సిటడెల్ క్రియేషన్స్, డిజిక్వెస్ట్ నిర్వహణలో ఈ సినిమా తెరకెక్కుతోడి. ఇక తాజాగా ఈ సినిమాకు సంబంధించిన “ఏమయ్యిందో ఏమయ్యిందో” పాటను ప్రముఖ హీరో – మూవీ ఆర్టిస్ట్ అసోసియేషన్ అధ్యక్షులు శ్రీ మంచు విష్ణు విడుదల చేశారు.
ఈ కార్యక్రమంలో డిజిక్వెస్ట్ అధినేత, తెలుగు ఫిల్మ్ ఛాంబర్ పూర్వ అధ్యక్షుడు K. బసిరెడ్డి, ప్రముఖ నిర్మాత PLK రెడ్డి, “ది డీల్ ” చిత్ర నిర్మాత రామకృష్ణ కొళివి, చిత్ర సమర్పకులు డా. అనితారావు, దర్శకులు డా. హను కోట్లతో పాటు చిత్ర బృందం పాల్గొన్నారు. ఈ సందర్భంగా మంచు విష్ణు మాట్లాడుతూ తెలుగు యూనివర్సిటీలో యాక్టింగ్ ప్రొఫెసర్ గా పని చేస్తూ ఎంతో మందికి శిక్షణనిస్తున్న డా. హను కోట్లకి అల్ ది బెస్ట్ చెబుతూ ఈ చిత్రం ఘన విజయం సాధించాలని కోరారు.