భారతదేశాన్ని గ్లోబల్ ఎంటర్‌టైన్‌మెంట్ హబ్‌గా అభివృద్ధి చేయడం లక్ష్యంగా, ప్రధాని నరేంద్ర మోదీ శుక్రవారం నాడు WAVES Advisory Board సభ్యులతో వీడియో కాన్ఫరెన్స్ నిర్వహించారు. ఈ సమావేశంలో మెగాస్టార్ చిరంజీవి, గూగుల్ CEO Sundar Pichai, మైక్రోసాఫ్ట్ CEO Satya Nadella, రిలయన్స్ అధినేత Mukesh Ambani, ప్రముఖ వ్యాపారవేత్త Anand Mahindra, బాలీవుడ్ ప్రముఖులు Amitabh Bachchan, Shah Rukh Khan, Aamir Khan, టాలీవుడ్ నుంచి Mohanlal, Rajinikanth, సంగీత దిగ్గజం A.R. Rahman, అలాగే Akshay Kumar, Ranbir Kapoor, Deepika Padukone వంటి ప్రముఖులు పాల్గొన్నారు. ఈ సమావేశంలో వినోదం, సృజనాత్మకత, సంస్కృతికి అంతర్జాతీయ గుర్తింపు తీసుకురావడమే ముఖ్య ఉద్దేశ్యంగా మోదీ చెప్పారు.
ఈ భేటీపై మెగాస్టార్ చిరంజీవి స్పందిస్తూ, “ప్రధాని మోదీ గారి ఆహ్వానం మేరకు వేవ్స్ అడ్వైజరీ బోర్డులో భాగం కావడం గౌరవంగా భావిస్తున్నాను. మా ఆలోచనలు పంచుకోవడానికి ఇదొక అద్భుతమైన వేదిక. భారతదేశాన్ని వినోద రంగంలో గ్లోబల్ లీడర్‌గా మార్చే దిశగా ఇది కీలకమైన అడుగు” అని తెలిపారు. మోదీ యొక్క WAVES (World Audio-Visual and Entertainment Summit) కన్సెప్ట్ భారతీయ సినీ పరిశ్రమను అంతర్జాతీయ స్థాయిలో గుర్తింపు తెచ్చేందుకు తోడ్పడనుందని ఆయన అభిప్రాయపడ్డారు.
ప్రధాని మోదీ మాట్లాడుతూ, “వినోదం, సృజనాత్మకత, సంస్కృతి ప్రపంచాన్ని ఒకచోట చేర్చే గొప్ప మాధ్యమాలు. WAVES ద్వారా భారత్‌ను గ్లోబల్ ఎంటర్‌టైన్‌మెంట్ హబ్‌గా తీర్చిదిద్దేందుకు చర్యలు తీసుకుంటున్నాం. ఈ అడ్వైజరీ బోర్డ్ సభ్యుల విలువైన సూచనలు, మద్దతు అందించడంతో, మనం ఈ లక్ష్యాన్ని సులభంగా చేరుకోగలుగుతాం” అని అన్నారు.
ఈ సమావేశం భారతీయ సినీ పరిశ్రమ, టెక్నాలజీ, వ్యాపార రంగాల్లోని ప్రముఖులను ఒకే వేదికపైకి తెచ్చింది. WAVES ద్వారా భారతీయ సినిమాలు, సంగీతం, సంస్కృతి అంతర్జాతీయ వేదికలపై మరింత పేరు తెచ్చుకోవడానికి మార్గం సుగమం కానుంది.