ప్రస్తుతం “డ్రాగన్” మరియు “లవ్ ఇన్సూరెన్స్ కంపెనీ” చిత్రాల్లో నటిస్తూ ఎంతో బిజీగా ఉన్న యంగ్ హీరో ప్రదీప్ రంగనాథన్, ఈ రెండు సినిమాలకు హీరోగా మరియు రచయితగా పనిచేస్తున్నారు. అయితే, ఈ సినిమాల షూటింగ్ వేగంగా జరుగుతున్నప్పటికీ, ప్రదీప్ తన కెరీర్ ప్రారంభంలో ఎదురైన కష్టాల గురించి తాజాగా చెన్నైలో జరిగిన “డ్రాగన్” సినిమా ప్రీ రిలీజ్ ఈవెంట్లో పంచుకున్నారు.
ప్రదీప్ చెప్తున్నదాన ప్రకారం, హీరోగా ఎదిగే ముందు ఆయనకు ఎన్నో సవాళ్లు ఎదురయ్యాయి. ఆయన హీరోగా మారడం కష్టం కాబట్టి, హీరోయిన్స్ చాలామంది రిజెక్ట్ చేశారని చెప్పారు. “నన్ను కిందకు లాగాలని చాలామంది ప్రయత్నించారు. నేను పెరుగుతున్న మొక్కను. మొక్క మానవడానికి చాలా కష్టపడుతుంది. నేనూ అలాగే సవాళ్లను స్వీకరించి మరింత బలంగా ఎదుగుతాను,” అని ప్రదీప్ పేర్కొన్నాడు.
అలాగే, ఆయన తన తొలి మూవీ “లవ్ టుడే” గురించి మాట్లాడుతూ, “ఈ సినిమా కోసం హీరోయిన్ దొరకడం చాలా కష్టం అయింది. నేను హీరో అని తెలిసిన తర్వాత చాలా మంది హీరోయిన్‌లు నన్ను రిజెక్ట్ చేశారు. కొందరు మాత్రం నాకు నిజాయితీగా చెప్పారు, ‘మేం పెద్ద స్టార్లతో మాత్రమే నటిస్తాం’,” అని పేర్కొన్నారు. ప్రదీప్ ఈ మాటలను చెప్పిన తరువాత, ఆయన అనుభవాలు ఇప్పుడు నెట్టింట విస్తృతంగా వైరల్ అవుతున్నాయి.