Chat on WhatsApp
Published on Nov 13, 2024 4:04 PM IST
ఐకాన్ స్టార్ అల్లు అర్జున్ మోస్ట్ ప్రెస్టీజియస్ మూవీ ‘పుష్ప-2’ కోసం అభిమానులు ఎంతో ఆసక్తిగా ఎదురుచూస్తున్నారు. డిసెంబర్ 5న వరల్డ్‌వైడ్‌గా గ్రాండ్ రిలీజ్‌కు రెడీ అయిన ఈ సినిమాతో ఇండియన్ బాక్సాఫీస్ రికార్డులు బద్దలవడం ఖాయమని చిత్ర యూనిట్ ధీమా వ్యక్తం చేస్తోంది. ఇక రిలీజ్‌కు నెల రోజులు కూడా లేకపోవడంతో, అన్ని కార్యక్రమాలను వేగంగా పూర్తి చేస్తున్నారు.
ఈ క్రమంలోనే ఈ చిత్రంలో హీరోయిన్‌గా నటిస్తున్న అందాల భామ రష్మిక మందన్న ఈ సినిమాపై హైప్‌ను మరింతగా పెంచేసింది. శ్రీవల్లి పాత్రలో నటిస్తున్న రష్మిక తన పాత్రకు సంబంధించిన డబ్బింగ్ కూడా చెప్పేస్తుంది. డబ్బింగ్ స్టూడియోలో నుండి ఆమె సోషల్ మీడియాలో ఓ ఫోటో పోస్ట్ చేసింది. ఈ సినిమాకు సంబంధించి పలు విషయాలను ఆమె ఈ సందర్భంగా తన పోస్ట్‌లో పెట్టుకొచ్చింది.
‘పుష్ప’ మూవీ షూటింగ్ దాదాపుగా పూర్తయ్యిందని.. ‘పుష్ప-ది రూల్’ ఫస్ట్ హాఫ్ డబ్బింగ్ ఇప్పటికే పూర్తయ్యిందని.. సెకండాఫ్ కోసం ప్రస్తుతం తాను డబ్బింగ్ చెబుతున్నానని.. ఈ మూవీలోని ఫస్ట్ హాఫ్ అద్భుతంగా ఉంటుందని.. సెకండాఫ్ దానిని మించి ఉంటుందని.. ప్రేక్షకులకు మైండ్ బ్లోయింగ్ ఎక్స్‌పీరియెన్స్ ఖాయమని ఆమె ఈ సందర్భంగా తన పోస్ట్‌లో పేర్కొంది. ఇలా ‘పుష్ప-2’ మూవీ హైప్‌ని మరింతగా పెంచేసిన రష్మిక ఈ సినిమా పూర్తి కావస్తుందని బాధగా ఉన్నట్లుగా పేర్కొంది.
