విశ్వక్ సేన్ తన తాజా చిత్రాలైన “మెకానిక్ రాకీ” మరియు “గ్యాంగ్స్ ఆఫ్ గోదావరి” చిత్రాల మిశ్రమ స్పందనల నేపథ్యంలో తన అభిమానులకు ఒక ప్రత్యేక లేఖ రాశారు. ఈ రెండు సినిమాలు ప్రేక్షకులను ఆశించిన స్థాయిలో మెప్పించలేకపోవడంతో, విశ్వక్ సేన్ తన అభిమానులకు క్షమాపణలు తెలిపారు. భవిష్యత్తులో సినిమాల ఎంపికలో మరియు కంటెంట్ విషయంలో మరింత జాగ్రత్తగా ఉంటానని హామీ ఇచ్చారు.
ఆయన తన లేఖలో, “నా చివరి సినిమాకు వచ్చిన నిర్మాణాత్మక విమర్శను పూర్తిగా అంగీకరిస్తున్నాను. నన్ను నమ్మి, నా ప్రయాణాన్ని మద్దతు ఇచ్చిన ప్రతి ఒక్కరికి, నా అభిమానులకు, నా పై ఆశీర్వాదంగా నిలిచినవారికి హృదయపూర్వక క్షమాపణలు” అని పేర్కొన్నారు. తన ప్రాధాన్యం ఎప్పుడూ కొత్తదనం తీసుకురావడమేనని, కానీ ఆ ప్రయత్నంలో ప్రేక్షకుల అభిప్రాయాలను గౌరవిస్తానని విశ్వక్ సేన్ అన్నారు.
ఇకపై తన ప్రతి సినిమాలో క్లాస్ లేదా మాస్ అయినా సరే అసభ్యత లేకుండా జాగ్రత్త పడతానని ఆయన వాగ్దానం చేశారు. “నేను ఒక చెడు సినిమా తీస్తే, నన్ను విమర్శించే హక్కు పూర్తిగా మీకు ఉంది” అని ఆయన తన అభిమానులకు తెలిపారు. ఈ లేఖ ద్వారా విశ్వక్ సేన్ తన అభిమానుల మనసులను గెలుచుకోవడానికి ప్రయత్నించారు.
ఈ లేఖ ఆన్‌లైన్‌లో వైరల్ అయ్యింది. విశ్వక్ సేన్ తన తప్పులను ఒప్పుకుని, భవిష్యత్తులో మంచి సినిమాలు తీస్తానని హామీ ఇవ్వడం ప్రేక్షకులను ఆకట్టుకుంది. ఆయన భవిష్యత్తు ప్రాజెక్టులపై అభిమానులు ఆసక్తిగా ఎదురుచూస్తున్నారు.