Chat on WhatsApp
Published on Nov 15, 2024 10:00 PM IST
యంగ్ హీరో కిరణ్ అబ్బవరం నటించిన లేటెస్ట్ మూవీ ‘క’ మంచి అంచనాల మధ్య రిలీజ్ అయ్యి బాక్సాఫీస్ దగ్గర సాలిడ్ హిట్‌గా నిలిచింది. ఈ సినిమాను సుజిత్-సందీప్ డైరెక్ట్ చేయగా పీరియాడిక్ థ్రిల్లర్ మూవీగా ఈ చిత్రం ప్రేక్షకులను ఆకట్టుకుంది. ఇక ఈ సినిమాతో కిరణ్ అబ్బవరం ఎంతగానో ఎదురుచూసిన సక్సెస్ అందుకున్నాడు.
అయితే, ఈ సినిమా వసూళ్ల పరంగా కూడా భారీ కలెక్షన్స్ రాబట్టింది. తాజాగా ఈ మూవీ వరల్డ్‌వైడ్‌గా కేవలం తెలుగు భాషలో ఏకంగా రూ.50 కోట్లకు పైగా వసూళ్లు క్రాస్ చేసినట్లు చిత్ర యూనిట్ అఫీషియల్‌గా అనౌన్స్ చేసింది. దీంతో కిరణ్ అబ్బవరం తొలిసారి 50 కోట్ల క్లబ్‌లోకి గ్రాండ్ ఎంట్రీ ఇచ్చాడని చెప్పాలి.
ఈ సినిమాలో తన్వీ రామ్, నయన్ సారిక హీరోయిన్లుగా నటించారు. సామ్ సిఎస్ సంగీతం అందించిన ఈ సినిమాను ఇతర భాషల్లో రిలీజ్ చేసేందుకు చిత్ర యూనిట్ రెడీ అయ్యింది.