Chat on WhatsApp
తమిళ స్టార్ హీరో సూర్య నటించిన ప్రెస్టీజియస్ మూవీ ‘కంగువా’ నవంబర్ 14న ప్రపంచవ్యా్ప్తంగా భారీ స్థాయిలో రిలీజ్ అయ్యింది. ఈ సినిమాను దర్శకుడు శివ డైరెక్ట్ చేయగా పూర్తి ఫాంటెసీ కథతో ఈ మూవీ రూపొందింది. ఇక ఈ సినిమాపై భారీ అంచనాలు నెలకొనడంతో ఈ చిత్రాన్ని తొలిరోజే చూసేందుకు ప్రేక్షకులు ఆసక్తిని చూపారు.
దీంతో ఈ సినిమాకు తొలి రోజు వరల్డ్‌వైడ్‌గా రూ.58.62 కోట్ల గ్రాస్ వసూళ్లు వచ్చినట్లు మేకర్స్ తాజాగా వెల్లడించారు. సూర్య కెరీర్‌లో ఇది బెస్ట్ ఓపెనింగ్స్ అని అభిమానులు సంతోషం వ్యక్తం చేస్తున్నారు. ఇక ఈ సినిమాలో సూర్య రెండు వైవిధ్యమైన పాత్రల్లో సాలిడ్ పర్ఫార్మెన్స్ ఇచ్చారని ప్రేక్షకులు కామెంట్ చేస్తున్నారు. ఆయన పడ్డ కష్టానికి తగ్గ ఫలితం వస్తుందని అభిమానులు కూడా సంతోషం వ్యక్తం చేస్తున్నారు.
ఇక ఈ సినిమాలో బాబీ డియోల్, దిశా పటానీ, యోగి బాబు తదితరులు ఇతర ముఖ్య పాత్రల్లో నటించారు. దేవిశ్రీ ప్రసాద్ సంగీతం అందించిన ఈ సినిమాను కెఈ.జ్ఞానవేల్ రాజా భారీ బడ్జెట్‌తో ప్రొడ్యూస్ చేశారు.
The post తొలిరోజు సాలిడ్ వసూళ్లతో ‘కంగువా’.. ఎంతంటే? first appeared on Latest Telugu Movie News, Reviews, OTT, OTT Reviews, Ratings.