కోలీవుడ్‌ ఇండస్ట్రీలో మహాలక్ష్మి, రవీందర్ చంద్రశేఖర్ జంట గురించి ప్రత్యేకంగా చెప్పాల్సిన అవసరం లేదు. టీవీ సీరియల్స్ ద్వారా మంచి గుర్తింపు తెచ్చుకున్న మహాలక్ష్మి, నిర్మాత రవీందర్‌ను వివాహం చేసుకోవడంతో మరింత ఫేమస్ అయ్యారు. అయితే, మహాలక్ష్మికి ఇది రెండో పెళ్లి. గతంలో పెళ్లి చేసుకుని విడాకులు తీసుకున్న ఆమె, రెండోసారి ప్రేమ వివాహం చేసుకోవడంతో అప్పట్లో వీరి పెళ్లి పెద్ద చర్చనీయాంశంగా మారింది.
పెళ్లి తర్వాత సోషల్ మీడియాలో వీరి జంటపై ట్రోల్స్ ఎక్కువయ్యాయి. “ఇంత అందమైన అమ్మాయి రవీందర్‌ను ఎందుకు పెళ్లి చేసుకుంది?” అంటూ నెగెటివ్ కామెంట్స్ ఎక్కువగా వచ్చాయి. కొంతమంది ఈ పెళ్లి ఎక్కువ రోజులు నిలవదని అన్నారు. అంతేకాదు, మహాలక్ష్మి – రవీందర్ విడిపోతున్నారని కూడా రూమర్స్ వైరల్ అయ్యాయి. అయితే, ఈ జంట ఎవరినీ పట్టించుకోకుండా తమ జీవితాన్ని హ్యాపీగా కొనసాగిస్తున్నారు.
తాజాగా ఒక ఇంటర్వ్యూలో పాల్గొన్న రవీందర్ చంద్రశేఖర్, తన పెళ్లిపై వచ్చిన విమర్శల గురించి స్పందించారు. “పెళ్లి అయిన తర్వాత చాలా మంది హేళన చేశారు. నాతో పాటు మహాలక్ష్మికి కూడా మెసేజ్‌లు వచ్చాయి. కానీ మేమిద్దరం మా బంధాన్ని ఎంతో ప్రేమగా కాపాడుకుంటున్నాం” అని అన్నారు. కొందరు వారి విడాకుల గురించి వార్తలు రాస్తే, మరికొందరు ట్రోల్స్ చేస్తూ సోషల్ మీడియాలో ప్రచారం చేశారు. కానీ, వీటిని పట్టించుకోకుండా వీరి బంధాన్ని మరింత బలంగా మార్చుకుంటున్నారు.
ఇక, రవీందర్ ప్రస్తుతం “డ్రాగన్” అనే సినిమాతో నటుడిగా మారి మంచి గుర్తింపు తెచ్చుకున్నారు. ఈ సినిమా విజయం తరువాత, తనపై వస్తున్న ట్రోల్స్ గురించి తాజాగా స్పందించారు. “మా పెళ్లిపై ఎవరు ఏం అనుకున్నా, మేము సంతోషంగా ఉన్నాం. ట్రోల్స్, విమర్శలు తాత్కాలికం. కానీ, మా బంధం శాశ్వతం” అంటూ పేర్కొన్నారు. అభిమానులు కూడా మహాలక్ష్మి – రవీందర్ జంట హ్యాపీగా ఉండాలని కోరుకుంటున్నారు.