టాలీవుడ్ బ్యూటీ కామాక్షి భాస్కర్ల పేరు ఇప్పుడు అందరికీ పరిచితమే. కానీ ఆమె సినీ ప్రపంచంలోకి ప్రవేశించే ముందు డాక్టర్ గా పని చేసిన విషయం తెలుసా? తెలంగాణకు చెందిన ఈ అందాల తార హైదరాబాద్‌లో చదివింది. MBBS కోసం చైనా వెళ్ళి అక్కడే ఇంటర్న్ డాక్టర్‌గా సేవలందించింది. ఆపై అపోలో ఆసుపత్రిలో ఆరేళ్లపాటు పని చేసింది. అయితే చిన్నప్పటి నుంచే నటనపై మక్కువతో, మోడలింగ్ రంగంలో అడుగు పెట్టింది. మిస్ తెలంగాణ టైటిల్ గెలుచుకొని, మిస్ ఇండియా ఫైనల్స్ వరకు వెళ్లింది.
కామాక్షి సినీ ప్రయాణం ప్రియురాలు సినిమాతో ప్రారంభమైంది. ఆ తర్వాత మోస్ట్ ఎలిజిబుల్ బ్యాచిలర్, మా ఊరి పొలిమేర, మా ఊరి పొలిమేర 2, ఇట్లు మారేడుమిల్లి ప్రజానీకం, ఓం భీమ్ భుజ్ వంటి సినిమాల్లో నటించి మంచి గుర్తింపు తెచ్చుకుంది. టాలీవుడ్‌లో మాత్రమే కాకుండా, ఝాన్సీ, సైతాన్, ధూత వంటి వెబ్ సిరీస్‌లలో కీలక పాత్రలు పోషించింది.
2018లో కామాక్షి బాగా బొద్దుగా ఉండేది. అప్పట్లో ఆమె బరువు 80 కిలోలు ఉండేది. అయితే అందాల పోటీల కోసం 20 కిలోలు తగ్గి ఇప్పుడు మరింత గ్లామరస్ గా మారింది. సినిమాల వల్ల బిజీగా ఉన్నా, సామాజిక సేవలోనూ ఆసక్తి చూపుతోంది. ఏంజెల్ హౌస్, వాయిస్ 4 గర్ల్స్, మేక్ ఎ డిఫరెన్స్ వంటి NGOలలో పనిచేస్తోంది.
కామాక్షి భాస్కర్ల ఇప్పుడు టాలీవుడ్‌లో బిజీ హీరోయిన్ గా మారింది. అందం, టాలెంట్ కలిగిన ఈ నటి తన నెక్ట్స్ ప్రాజెక్ట్‌లతో మరింత విజయాలు అందుకోవడానికి సిద్ధమవుతోంది. సినిమా లవర్స్ ఆమె కొత్త సినిమాల కోసం ఆసక్తిగా ఎదురుచూస్తున్నారు!