యాక్షన్ హీరో విశాల్ తన డిఫరెంట్ కథలతో సినీ అభిమానులను ఆకట్టుకుంటూ ముందుకు సాగుతున్నాడు. హిట్స్, ఫ్లాప్స్ అనేవి పట్టించుకోకుండా వరుస సినిమాలు చేస్తూ దూసుకుపోతున్నాడు. విశాల్ సి ఇటీవల ప్రేక్షకుల ముందుకు తీసుకువచ్చిన సినిమా మద గజ రాజా. అయితే ఈ సినిమా ప్రత్యేకత ఏమిటంటే, దాదాపు 12 ఏళ్ల తర్వాత ప్రేక్షకుల ముందుకు వచ్చింది.
12 ఏళ్ల ఆలస్యం – మద గజ రాజా కథ
ఈ సినిమాను 2013లోనే విడుదల చేయాల్సిన ప్లాన్ ఉంది. కానీ ఆర్థిక సమస్యల కారణంగా విడుదల నిలిచిపోయింది. చివరకు సంక్రాంతి కానుకగా జనవరి 12న థియేటర్లలోకి వచ్చింది. విశాల్ సరసన అంజలి, వరలక్ష్మి శరత్‌కుమార్ నటించగా, సంతానం కామెడీ టైమింగ్ సినిమాకి హైలైట్‌గా నిలిచింది. విజయ్ ఆంటోని అందించిన సంగీతం మంచి మార్కులు సాధించింది. విశాల్ స్వయంగా పాడిన పాట ఇప్పటికీ ఇంటర్నెట్‌లో వైరల్ అవుతోంది.
మద గజ రాజా ఓటీటీ రిలీజ్ ఆలస్యం ఎందుకు?
సినిమా విడుదలై రెండు నెలలు గడిచినా ఇప్పటికీ ఓటీటీలో రాలేదు. సాధారణంగా థియేట్రికల్ రన్ పూర్తయిన వెంటనే డిజిటల్ ప్లాట్‌ఫామ్‌లు సినిమాను తీసుకుంటాయి. కానీ మద గజ రాజా విషయంలో ఇంకా ఏ ఓటీటీ సంస్థ లైసెన్స్ సొంతం చేసుకోలేదని తెలుస్తోంది.
మేకర్స్ క్లారిటీ ఎప్పుడు?
ప్రస్తుతం సినీ ప్రియులు మద గజ రాజా ఓటీటీ రాక కోసం ఎదురుచూస్తున్నారు. త్వరలోనే మేకర్స్ ఈ సినిమాకు సంబంధించి అధికారిక ప్రకటన చేయనున్నారు. అప్‌డేట్స్ కోసం వేచి చూడాలి!