ప్రముఖ నటుడు ఆర్. మాధవన్ (మ్యాడీ) అనవసరంగా సోషల్ మీడియాలో ట్రోలింగ్ ఎదుర్కొంటున్నాడు. ఒక యువతి అతనికి హార్ట్, కిస్ ఎమోజీలు పంపిన మెసేజ్‌కు, మాధవన్ రిప్లై ఇచ్చాడు. దీంతో నెటిజన్లు ఆగ్రహం వ్యక్తం చేయడంతో పాటు, ఆయన క్యారెక్టర్ పై వివాదం మొదలైంది.
ఈ విషయంలో తనపై జరుగుతున్న ప్రచారంపై మాధవన్ స్వయంగా స్పందించాడు. అసలు విషయం ఏమిటంటే, ఒక ఫ్యాన్ తన సినిమాను చూసి, “మీరు గొప్ప నటుడు, మీరు నన్ను ఇన్స్పైర్ చేసారు” అంటూ మెసేజ్ పంపింది. అయితే, ఆమె మెసేజ్ చివర్లో లవ్ ఎమోజీలు కూడా ఉన్నాయి. మాధవన్ సాధారణంగా “థాంక్యూ సో మచ్, గాడ్ బ్లెస్ యూ” అనే సాధారణ సమాధానం ఇచ్చాడు. కానీ, ఆ అమ్మాయి స్క్రీన్ షాట్ తీసి, సోషల్ మీడియాలో పెట్టడంతో మాధవన్ వ్యర్థమైన ఆరోపణలకు గురయ్యాడు.
“ఇది చాలా బాధాకరం. నేను ఏ తప్పూ చేయలేదు. కానీ, జనాలు నా సమాధానం కాకుండా, అమ్మాయి పెట్టిన ఎమోజీలను చూసి నాపై విమర్శలు చేస్తున్నారు” అని మాధవన్ తెలిపాడు. అంతేకాదు, సోషల్ మీడియా హానికరం అయ్యే అవకాశముందని, తల్లిదండ్రులు తమ పిల్లలు ఇలాంటి ప్రవర్తనను గమనించాలని సూచించాడు.
ఇప్పటికే ఈ వివాదం వైరల్ అవుతోంది. కొందరు నెటిజన్లు మాధవన్‌ను ట్రోల్ చేస్తుండగా, మరికొందరు ఆయనకు మద్దతుగా నిలుస్తున్నారు. మాధవన్ కేవలం ఒక ఫ్యాన్ మెసేజ్ కు స్పందించినంత మాత్రమే, కానీ జనాలు అవాస్తవ ప్రచారం చేస్తున్నారని ఆయన వ్యక్తం చేసాడు. ఈ సంఘటన సెలబ్రిటీల కోసం ఒక గుణపాఠంగా మారింది, ఎందుకంటే సామాజిక మాధ్యమాల్లో ఏది అయినా తప్పుగా అర్థం చేసుకోవచ్చు!