మాస్ మహారాజా రవితేజ నటించిన ‘నా ఆటోగ్రాఫ్ – స్వీట్ మెమరీస్’ చిత్రానికి ప్రత్యేకమైన అభిమానం ఉంది. 2004లో విడుదలైన ఈ రొమాంటిక్ డ్రామా, మలయాళ బ్లాక్‌బస్టర్ ‘ఆటోగ్రాఫ్’ రీమేక్‌ గా తెరకెక్కింది. కమర్షియల్‌గా విజయం సాధించకపోయినా, ఈ సినిమా ప్రేక్షకుల హృదయాలలో శాశ్వతంగా నిలిచిపోయింది. ప్రత్యేకంగా యువత ఈ సినిమాను చాలా ప్రేమించారు. ఈ చిత్రంలోని పాటలు సైతం ప్రేక్షకులను ఎంతగానో ఆకట్టుకున్నాయి.
ఇటీవల మహాశివరాత్రి సందర్భంగా ఈ సినిమాను మేకర్స్ రీ-రిసిలీజ్ చేశారు. ఈ నేపథ్యంలో, ప్రముఖ రచయిత ప్రసన్న కుమార్ ఈ సినిమా గురించి ఆసక్తికర వ్యాఖ్యలు చేశారు. ఒక ఇంటర్వ్యూలో మాట్లాడుతూ, “ఈ సినిమా అప్పటికి కాస్త ముందుగా వచ్చి ఉండొచ్చు. కానీ ఇందులో అన్నీ ఉంటాయి. ప్రేక్షకుల అంచనాలను అందుకోలేకపోయినప్పటికీ, కథ, భావోద్వేగాలు, సంగీతం అన్నీ అద్భుతంగా ఉన్నాయి” అని తెలిపారు.
ఇదే ఇంటర్వ్యూలో, “ఈ రోజుల్లో నాని లాంటి నటుడు ఈ సినిమాలో నటించి ఉంటే, అది క్లాసిక్‌గా నిలిచిపోయేది. ఆ సినిమాలో కొన్ని సన్నివేశాలు హృదయాన్ని తాకుతాయి. ఇంటర్వెల్ సీన్‌లో రవితేజ పడిపోతే, పక్క బోటులో హీరోయిన్ పెళ్లి చేసుకుని వెళ్తుంటుంది. థియేటర్‌లో ప్రేక్షకులు భావోద్వేగంతో అరిచారు. అయితే, రవితేజ మాస్ ఇమేజ్ కారణంగా ప్రేక్షకులు ఈ సినిమాను అలా అంగీకరించలేకపోయారు” అని ప్రసన్న కుమార్ అభిప్రాయపడ్డారు.
ఇటీవల సందీప్ కిషన్, రీతు వర్మ జంటగా నటించిన ‘మజాకా’ సినిమా విడుదలై సూపర్ హిట్ అయింది. త్రినాథరావు నక్కిన దర్శకత్వంలో తెరకెక్కిన ఈ చిత్రాన్ని ఏకే ఎంటర్‌టైన్‌మెంట్స్, హాస్య మూవీస్, జీ స్టూడియోస్ సంయుక్తంగా నిర్మించాయి. ఈ సినిమా విజయంతో పాటు, ‘నా ఆటోగ్రాఫ్’ గురించి మళ్లీ చర్చ మొదలైంది.