బాలీవుడ్‌లో అత్యంత ప్రజాదరణ పొందిన నటీమణుల్లో శ్రద్ధా కపూర్ (Shraddha Kapoor) ఒకరు. అద్భుతమైన నటనతో పాటు తన గ్లామర్‌తో ఆమె ఎంతో మంది అభిమానులను సంపాదించింది. పర్సనల్ లైఫ్‌లో ఎక్కువగా వార్తల్లో ఉండని శ్రద్ధా, ఇటీవల తన తండ్రి శక్తి కపూర్ (Shakti Kapoor) కు ఇచ్చిన విలాసవంతమైన ఫ్లాట్ అమ్ముడు పోయిన వార్త వైరల్ అయింది.
శ్రద్ధా గత సంవత్సరం జుహు (Juhu), ముంబై లోని సిల్వర్ బీచ్ హెచెల్ కోఆపరేటివ్ సొసైటీలో ఉన్న 881 చదరపు అడుగుల లగ్జరీ ఫ్లాట్ ను తన తండ్రికి బహుమతిగా ఇచ్చింది. అయితే, శక్తి కపూర్ ఇటీవల రూ.6.11 కోట్లు కు ఈ ఫ్లాట్‌ను విక్రయించారు. శ్రద్ధా ఈ ఫ్లాట్‌ను బెంగళూరు వ్యాపారవేత్తలు సతీష్ వెంకటేష్, అర్చన తనేజా నుంచి కొనుగోలు చేసింది.
ఇదిలా ఉండగా, శ్రద్ధా కపూర్ ఇటీవల ముంబై పరిమళ మహాలక్ష్మి సౌత్ టవర్ (Parimal Mahalaxmi South Tower) లో 1000 చదరపు అడుగులకుపైగా ఉన్న కొత్త ఇంటిని రూ.6.24 కోట్లకు కొనుగోలు చేసింది. ఈ ఇంటిలో రెండు బాల్కనీలు కూడా ఉన్నాయి. ప్రొఫెషనల్ లైఫ్‌లో ఆమె నటించిన ‘స్త్రీ 2’ (Stree 2) 2024లో విడుదలై బ్లాక్‌బస్టర్ హిట్‌గా నిలిచింది. ఈ చిత్రం, షారుఖ్ ఖాన్ నటించిన ‘జవాన్’ (Jawan) ను కూడా ఓవర్‌టేక్ చేసింది.
ఇప్పుడు వ్యక్తిగత జీవితం గురించి వార్తలు వస్తున్నాయి. శ్రద్ధా వ్యాపారవేత్త రాహుల్ మోడీ (Rahul Modi) తో ప్రేమలో ఉందని ప్రచారం జరుగుతోంది. వీరిద్దరూ తరచూ కలిసి కనిపిస్తుండటంతో, వారి రిలేషన్‌షిప్‌పై అభిమానులు ఆసక్తిగా ఉన్నారు. ఇకపోతే, శ్రద్ధా కపూర్ త్వరలో మరిన్ని బిగ్ ప్రాజెక్ట్‌లలో నటించబోతున్నట్లు టాక్.