Chat on WhatsApp
మాస్ కా దాస్ విశ్వక్ సేన్ నటించిన లేటెస్ట్ మూవీ ‘మెకానిక్ రాకీ’ ఈ నెల 22న గ్రాండ్ రిలీజ్‌కు రెడీ అయ్యింది. పూర్తి కమర్షియల్ అంశాలతో తెరకెక్కిన ఈ రొమాంటిక్ యాక్షన్ ఎంటర్‌టైనర్ మూవీలో అందాల భామలు మీనాక్షి చౌదరి, శ్రద్ధా శ్రీనాథ్ హీరోయిన్లుగా నటిస్తున్నారు. ఈ సినిమాను దర్శకుడు రవితేజ ముళ్లపూడి డైరెక్ట్ చేస్తున్నారు. ఇక ఈ సినిమా తాజాగా సెన్సార్ పనులు కూడా ముగించుకుంది.
‘మెకానిక్ రాకీ’ చిత్రానికి సెన్సార్ బోర్డు యూ/ఏ సర్టిఫికెట్ జారీ చేసింది. ఈ సినిమాలోని కంటెంట్ మాస్ ఆడియెన్స్‌కు ఫీస్ట్‌లా ఉంటుందని మేకర్స్ ధీమా వ్యక్తం చేస్తున్నారు. ఇక ఈ సినిమాలో విశ్వక్ సేన్ తనలోని మాస్ విశ్వరూపం చూపిస్తాడని చిత్ర యూనిట్ కాన్ఫిడెంట్‌గా చెబుతోంది. ఈ సినిమాకు సంబంధించిన ప్రమోషన్స్‌ను శరవేగంగా నిర్వహిస్తున్నారు.
ఇక ఈ సినిమా ఇప్పుడు సెన్సార్ పనులు కూడా ముగించుకోవడంతో ఈ మూవీ ఎప్పుడెప్పుడు రిలీజ్ అవుతుందా అని అందరూ ఆసక్తిగా చూస్తున్నారు. జేక్స్ బిజోయ్ సంగీతం అందిస్తున్న ఈ చిత్రాన్ని రామ్ తాళ్లూరి ప్రొడ్యూస్ చేస్తున్నారు. మరి ఈ సినిమా బాక్సాఫీస్ దగ్గర ఎలాంటి రెస్పాన్స్ అందుకుంటుందో చూడాలి.
The post సెన్సార్ పనులు ముగించుకున్న ‘మెకానిక్ రాకీ’ first appeared on Latest Telugu Movie News, Reviews, OTT, OTT Reviews, Ratings.