Chat on WhatsApp
ప్రియదర్శి లీడ్ రోల్‌లో నటిస్తున్న లేటెస్ట్ మూవీ ‘సారంగపాణి జాతకం’ ఇప్పటికే షూటింగ్ పనులు ముగించుకుని రిలీజ్‌కు రెడీ అవుతోంది. ఈ సినిమాను ప్రముఖ దర్శకుడు మోహనకృష్ణ ఇంద్రగంటి డైరెక్ట్ చేస్తుండటంతో ఈ సినిమాపై మూవీ లవర్స్‌లో మంచి బజ్ క్రియేట్ అయ్యింది. దీనికితోడు సినిమా ప్రమోషనల్ కంటెంట్ కూడా ఆకట్టుకునేలా ఉండటంతో ఈ సినిమా నుండి మరిన్ని అప్డేట్స్ కోసం ఎదురుచూస్తున్నారు.
అయితే, ఈ సినిమా టీజర్‌ను రిలీజ్ చేసేందుకు మేకర్స్ రెడీ అయ్యారు. ఈ చిత్ర టీజర్‌ను నవంబర్ 21న ఉదయం 11.12 గంటలకు రిలీజ్ చేస్తున్నట్లు తాజాగా ఓ పోస్టర్ ద్వారా అనౌన్స్ చేశారు. ఈ సినిమాలోని కంటెంట్ ప్రేక్షకులను కడుపుబ్బా నవ్వించే విధంగా ఉండబోతుందని మేకర్స్ కాన్ఫిడెంట్‌గా చెబుతున్నారు. ఈ సినిమా కథ కిల్లర్ కామెడీగా ఉండబోతుందని చిత్ర యూనిట్ తెలిపింది.
ఇక ఈ సినిమాలో రూప కొడువయుర్ హీరోయిన్‌గా నటిస్తోండగా నరేష్, తనికెళ్ల భరణి, అవసరాల శ్రీనివాస్, వెన్నెల కిషోర్ తదితరులు ఇతర ముఖ్య పాత్రల్లో నటించారు. శివలెంక కృష్ణ ప్రసాద్ ప్రొడ్యూస్ చేస్తున్న ఈ సినిమాను డిసెంబర్ 20న రిలీజ్ చేసేందుకు చిత్ర యూనిట్ రెడీ అయ్యింది.
The post ‘సారంగపాణి జాతకం’ టీజర్‌కి ముహూర్తం ఫిక్స్ first appeared on Latest Telugu Movie News, Reviews, OTT, OTT Reviews, Ratings.