Chat on WhatsApp
Published on Nov 20, 2024 2:30 AM IST
అక్కినేని నాగచైతన్య ప్రస్తుతం తన లేటెస్ట్ మూవీ ‘తండేల్’ను రిలీజ్‌కు రెడీ చేస్తున్నాడు. ఇక ఈ సినిమాను దర్శకుడు చందు మొండేటి పూర్తి రొమాంటిక్ యాక్షన్ ఎంటర్‌టైనర్‌గా తెరకెక్కించినట్లు మేకర్స్ ఇప్పటికే చెబుతున్నారు. ఈ సినిమా కథ ప్రేక్షకులను హత్తుకునేలా ఉంటుందని వారు కాన్ఫిడెంట్‌గా చెబుతున్నారు. ఈ సినిమాలో అందాల భామ సాయి పల్లవి హీరోయిన్‌గా నటిస్తుండటంతో ఈ చిత్రాన్ని ఎప్పుడెప్పుడు చూద్దామా అని అందరూ ఆసక్తిగా చూస్తున్నారు.
అయితే, నాగచైతన్య తన నెక్స్ట్ మూవీని దర్శకుడు కార్తీక్ దండు డైరెక్షన్‌లో తెరకెక్కించేందుకు సిద్ధమవుతున్నాడు. ఈ సినిమాను అతి త్వరలో ప్రారంభించేందుకు మేకర్స్ రెడీ అవుతున్నారు. కాగా, ఈ సినిమాలో నాగచైతన్య సరసన హీరోయిన్‌గా అందాల భామ మీనాక్షి చౌదరి సెలెక్ట్ అయినట్లుగా వార్తలు వినిపిస్తున్నాయి. ఈ కాంబో తెరపై ఫ్రెష్‌గా ఉంటుందని.. ప్రేక్షకులకు ఇది సరికొత్త అనుభూతిని ఇస్తుందని మేకర్స్ భావిస్తున్నారట.
మొత్తానికి నాగచైతన్య సరసన మీనాక్షి చౌదరి నటిస్తుందనే వార్త అక్కినేని అభిమానుల్లో మంచి బజ్‌ని క్రియేట్ చేసింది. ఇక ఈ సినిమాకు సంబంధించిన అఫీషియల్ అనౌన్స్‌మెంట్ ఎప్పుడెప్పుడు వస్తుందా అని అందరూ ఆసక్తిగా చూస్తున్నారు.