Chat on WhatsApp
టాలీవుడ్‌లో తెరకెక్కిన లేటెస్ట్ మూవీ ‘రోటీ కపడా రొమాన్స్’ రిలీజ్‌కు ఒక్క రోజు ముందు ప్రేక్షకులకు షాక్ ఇచ్చింది. హర్ష నర్రా, సందీప్ సరోజ్, తరుణ్, సుప్రజ్ రంగా, సోనూ ఠాకూర్, నువ్వేక్ష, మేఘలేఖ, ఖుష్బూ చౌదరి హీరో హీరోయిన్లుగా నటించిన ఈ రొమాంటిక్ ఎంటర్‌టైనర్ మూవీని నవంబర్ 22న రిలీజ్ చేయాలని మేకర్స్ ప్లాన్ చేశారు. ఈ సినిమా యూత్‌ని బాగా ఆకట్టుకుంటుందని వారు ఆశించారు.
కానీ, నవంబర్ 22న పలు సినిమాలు బాక్సాఫీస్ దగ్గర పోటీ పడుతుండటంతో ఈ సినిమా రిలీజ్ డేట్‌ను వాయిదా వేశారు. ఈ మేరకు చిత్ర యూనిట్ అధికారికంగా ప్రకటన కూడా చేసింది. అందరూ థియేటర్లలో చూడాలనే ఉద్దేశ్యంతో ఈ సినిమాను నవంబర్ 28న రిలీజ్ చేస్తున్నట్లు వారు తెలిపారు. ఈ సినిమాను దర్శకుడు విక్రమ్ రెడ్డి డైరెక్ట్ చేయగా, ఇప్పటికే రిలీజ్ అయిన పోస్టర్స్, టీజర్, ట్రైలర్లు మంచి బజ్‌ని క్రియేట్ చేశాయి.
ఇక ఈ సినిమాను ప్రముఖ నిర్మాత బెక్కెం వేణుగోపాల్ సృజన్ కుమార్ బొజ్జంతో కలిసి ప్రొడ్యూస్ చేస్తున్నారు. ఈ సినిమా అన్ని వర్గాల ప్రేక్షకులను ఆకట్టుకుంటుందని.. థియేటర్లలో ప్రేక్షకులు బాగా ఎంజాయ్ చేస్తారని మేకర్స్ ధీమా వ్యక్తం చేస్తున్నారు.
The post ‘రోటీ కపడా రొమాన్స్’ రిలీజ్ డేట్ వాయిదా first appeared on Latest Telugu Movie News, Reviews, OTT, OTT Reviews, Ratings.