బాలీవుడ్ సూపర్ స్టార్ ఆమీర్ ఖాన్ తన తదుపరి చిత్రం “కూలీ” లోకేష్ కనగరాజ్ దర్శకత్వంలో చేయనున్నాడని వార్తలు హల్ చల్ చేస్తున్నాయి. మరోవైపు, బాలీవుడ్ లో మరో పెద్ద మార్పు సల్మాన్ ఖాన్ అభిమానులను ఆగ్రహానికి గురిచేసింది.
“జవాన్” సినిమా సక్సెస్ తర్వాత దర్శకుడు అట్లీ, సల్మాన్ ఖాన్ తో సినిమా చేస్తానని హామీ ఇచ్చాడు. ఈ ప్రకటన సల్మాన్ అభిమానులను ఉత్సాహపరిచింది. అయితే ఇప్పుడు, అట్లీ తన నిర్ణయాన్ని మార్చుకుని, అల్లు అర్జున్ తో భారీ పాన్-ఇండియా మూవీ చేయనున్నట్లు వెల్లడించారు.
దీంతో సల్మాన్ అభిమానులు తీవ్ర అసంతృప్తికి గురయ్యారు. ముఖ్యంగా, “బేబీ జాన్” హిందీ చిత్రంలో అతిథి పాత్రలో నటించమని చెప్పి, ఆ తర్వాత అతడితో సినిమా చేయకుండా వెళ్ళిపోవడం వారికి నచ్చలేదు. అంతేకాదు, సల్మాన్ కోసం రాసుకున్న కథను ఇప్పుడు అల్లు అర్జున్ కోసం వాడుతున్నాడనే ప్రచారం కూడా ఉంది.
అల్లు అర్జున్-అట్లీ చిత్రం పాన్-ఇండియా లెవెల్ లో భారీ బడ్జెట్ తో రూపొందనుంది. ఈ చిత్రాన్ని మైత్రి మూవీ మేకర్స్ నిర్మించనున్నట్లు సమాచారం. అట్లీ ఈ వివాదంపై స్పందిస్తారా? సల్మాన్ ఖాన్ తదుపరి సినిమా ఏంటి? అనేది తెలియాల్సి ఉంది.