టాలీవుడ్ యంగ్ హీరో సుధీర్ బాబు వరుస సినిమాలతో ప్రేక్షకులను అలరిస్తున్నాడు. హిట్స్, ఫ్లాప్స్‌ను పక్కన పెట్టి వైవిధ్యమైన కథలతో ప్రయోగాలు చేస్తూ ముందుకు సాగుతున్నాడు. 2012లో “ఏమాయ చేసావే” సినిమాలో చిన్న పాత్రతో సినీరంగ ప్రవేశం చేసిన సుధీర్ బాబు, “శివ మనసులో శ్రుతి” చిత్రంతో హీరోగా మారాడు.
సుధీర్ బాబు 2018లో వచ్చిన “సమ్మోహనం” మూవీతో అద్భుత విజయాన్ని అందుకున్నాడు. అయితే, ఆ తరవాత ఆ స్థాయిలో హిట్ మాత్రం రాలేదు. ఇటీవల విడుదలైన “మా నాన్న సూపర్ హీరో” కూడా ప్రేక్షకుల ఆశలు నెరవేర్చలేకపోయింది. ఇప్పుడు, మరో ఆసక్తికరమైన కథతో “జటాధర” అనే కొత్త సినిమాతో ప్రేక్షకుల ముందుకు రానున్నాడు.
ఈ సినిమా స్పెషల్ అట్రాక్షన్ బాలీవుడ్ స్టార్ హీరోయిన్ సోనాక్షి సిన్హా. ఇటీవలే “హీరమండి” మూవీతో బాలీవుడ్‌లో సెన్సేషన్ క్రియేట్ చేసిన సోనాక్షి, ఇప్పుడు “జటాధర” సినిమాతో టాలీవుడ్ ఎంట్రీ ఇస్తోంది. ఈ చిత్రాన్ని వెంకట్ కల్యాణ్ దర్శకత్వంలో సుధీర్ బాబు ప్రొడక్షన్స్ నిర్మిస్తోంది. ప్రేరణ అరోరా ఈ సినిమాను సమర్పిస్తోంది.
పాన్ ఇండియా లెవల్ లో రూపొందుతున్న “జటాధర” మూవీపై భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ శరవేగంగా జరుగుతోంది. ప్రేక్షకులు సుధీర్ బాబు, సోనాక్షి సిన్హా జోడిని ఎంతగా స్వీకరిస్తారో చూడాలి!