పుష్ప 2 ఘన విజయం సాధించిన తర్వాత, అల్లు అర్జున్ తన తదుపరి సినిమా కోసం సిద్ధమవుతున్నాడు. తాజా సమాచారం ప్రకారం, స్టైలిష్ స్టార్ తన నెక్స్ట్ బిగ్ ప్రాజెక్ట్ కి గ్రీన్ సిగ్నల్ ఇచ్చాడు. ఈసారి ‘జవాన్’ డైరెక్టర్ అట్లీ దర్శకత్వంలో ఓ భారీ యాక్షన్ ఎంటర్‌టైనర్ చేయబోతున్నాడు.
అట్లీ ఇప్పటికే తన మాస్ కమర్షియల్ హిట్స్ ద్వారా బాక్సాఫీస్ రికార్డులు సృష్టించాడు. జవాన్ చిత్రం ₹1,100 కోట్లకి పైగా వసూలు చేసి సంచలనం సృష్టించింది. ఇప్పుడు అల్లు అర్జున్ తో కలిసి మరింత భారీ సినిమాటిక్ ఎక్స్‌పీరియెన్స్ అందించేందుకు ప్లాన్ చేస్తున్నాడు. ఈ మూవీ ₹400 కోట్లకుపైగా బడ్జెట్ తో రూపొందనుందని సమాచారం, ఇది టాలీవుడ్ లోనే అత్యంత ఖరీదైన సినిమాల్లో ఒకటిగా నిలవనుంది.
అలాగే ఈ సినిమాకి సంబంధించిన మరో ఆసక్తికరమైన అప్‌డేట్ ఏమిటంటే, కోలీవుడ్ స్టార్ శివకార్తికేయన్ కూడా ఇందులో కీలక పాత్ర పోషించనున్నాడని టాక్. అలాగే జాన్వీ కపూర్ హీరోయిన్ గా ఎంపికైనట్లు తెలుస్తోంది. ఈ కాంబినేషన్ పై అభిమానుల్లో భారీ అంచనాలు ఏర్పడ్డాయి.
ఈ మోస్ట్ అవైటెడ్ మూవీ కి సంబంధించిన ఆఫీషియల్ అనౌన్స్‌మెంట్ త్వరలోనే రాబోతోంది. టాలీవుడ్, కోలీవుడ్, బాలీవుడ్ కలయికలో వస్తున్న ఈ పాన్ ఇండియా మూవీ కోసం అందరూ ఆసక్తిగా ఎదురుచూస్తున్నారు.