ప్రస్తుతం ఛావా సినిమా సినీ ప్రేమికుల్లో హాట్ టాపిక్‌గా మారింది. విక్కీ కౌశల్ హీరోగా, రష్మిక మందన్న హీరోయిన్‌గా నటించిన ఈ చిత్రం శంభాజీ మహారాజ్ జీవిత కథ ఆధారంగా తెరకెక్కింది. బాలీవుడ్‌లో విడుదలైన ఈ చిత్రం భారీ విజయాన్ని సాధించింది. ఇప్పుడు మార్చి 7న తెలుగు వెర్షన్ విడుదలయ్యింది. గీతా ఆర్ట్స్ ఈ సినిమాను తెలుగులో ప్రేక్షకులకు అందించింది. విడుదలైన మొదటి రెండు రోజుల్లోనే తెలుగు వెర్షన్ రూ. 6.81 కోట్ల గ్రాస్ వసూలు చేసింది.
ఈ చిత్రాన్ని లక్ష్మణ్ ఉటేకర్ దర్శకత్వంలో దినేష్ విజన్ నిర్మించగా, హిందీలో రూ. 500 కోట్లకు పైగా వసూలు చేసింది. సినిమా క్లైమాక్స్ సన్నివేశాలు ప్రేక్షకులను భావోద్వేగంతో ముంచెత్తుతున్నాయి. థియేటర్లలో ఎవరైనా ఈ సీన్స్‌ను చూసి ఎమోషనల్ కాకుండా ఉండలేరు. కానీ, కొంతమంది ప్రేక్షకులు క్లైమాక్స్ సమయంలో అవకాశాన్ని తీసుకొని నవ్వులు చిందిస్తూ, అసభ్యంగా ప్రవర్తించారని తెలుస్తోంది.
ఆ ఘటనలో థియేటర్‌లో ఉన్న ఫ్యాన్స్ ఆ అవినీతిపరుల పై సీరియస్ అయ్యారు. వెంటనే వారిని బయటకు తీసుకెళ్లి క్షమాపణలు చెప్పించడమే కాకుండా, ఛత్రపతి శివాజీ మహారాజ్ జై, శంభాజీ మహారాజ్ జై అంటూ నినాదాలు చేయించారని సమాచారం. ఈ ఘటన సోషల్ మీడియాలో వైరల్ అవుతోంది.
ఈ సంఘటన ఛావా సినిమా ఎంతలా ప్రజలను ప్రభావితం చేసిందో రుజువు చేస్తోంది. సినిమా విడుదలైన కొన్ని రోజుల్లోనే అద్భుతమైన రెస్పాన్స్ తెచ్చుకోవడం విశేషం. ఇప్పటివరకు ఈ సినిమా బాక్సాఫీస్‌పై స్ట్రాంగ్ హోల్డ్ కొనసాగిస్తోంది.