Published on Nov 25, 2024 8:00 AM IST
తమిళ హీరో శివ కార్తికేయన్ ‘కేజీఎఫ్’ హీరో యశ్ పై ఇంట్రెస్టింగ్ కామెంట్స్ చేశారు. కన్నడ సినిమా సక్సెస్ వెనుక యశ్ ఉన్నారు అంటూ శివ కార్తికేయన్ చెప్పుకొచ్చారు. శివ కార్తికేయన్ అసలు ఏం మాట్లాడారు అంటే.. ‘కేజీఎఫ్’ యశ్ కారణంగా కన్నడ సినిమాకు ప్రపంచవ్యాప్త గుర్తింపు వచ్చింది అని గోవాలో జరిగిన ఓ కార్యక్రమంలో తమిళ నటుడు శివకార్తికేయన్ మాట్లాడారు.
శివకార్తికేయన్ ఇంకా మాట్లాడుతూ.. ‘కన్నడ సినిమా పరిశ్రమలో నాకు మొదట తెలిసిన వ్యక్తి శివ రాజ్‌కుమార్. ఆయన చాలా స్నేహశీలి. ఆయన అంటే నాకు ఇష్టం. అయితే, కన్నడ పరిశ్రమకు యశ్ చేసిన మంచి అంతా ఇంతా కాదు. కేజీఎఫ్-1 వచ్చినప్పుడు ఆ పరిశ్రమ సక్సెస్ అయింది. కానీ కేజీఎఫ్-2తో భారత సినిమా సక్సెస్ అయింది’ అని శివకార్తికేయన్ కొనియాడారు. ఇక శివ కార్తికేయన్ నటించిన బయోపిక్ ‘అమరన్’ సినిమా భారీ విజయాన్ని అందుకున్న సంగతి తెలిసిందే.
ఈ సినిమా మేజర్ ముకుంద్ వరదరాజన్ జీవితకథ ఆధారంగా తెరకెక్కింది. రాజ్ కుమార్ పెరియస్వామి డైరెక్ట్ చేసిన ఈ సినిమాలో సాయి పల్లవి హీరోయిన్ గా నటించి మెప్పించింది. మొత్తానికి శివ కార్తికేయన్ ఈ సినిమాతో 250 కోట్ల క్లబ్‌లో కూడా చేరాడు.