Chat on WhatsApp
Published on Nov 25, 2024 1:57 PM IST
దర్శకుడు సందీప్ రెడ్డి వంగా దర్శకత్వంలో రణబీర్ కపూర్ హీరోగా వచ్చిన ‘యానిమల్’ సినిమా భారీ కలెక్షన్స్ ను సాధించి.. అద్భుత విజయాన్ని సాధించింది. ఐతే, ఈ సినిమా పై ఎన్నో విమర్శలు వచ్చిన సంగతి తెలిసిందే. తాజాగా ఈ విమర్శలపై హీరో రణ్‌బీర్‌ కపూర్ స్పందించారు. ‘ఇఫ్ఫీ’ వేదికగా ఆయన ఈ అంశంపై మాట్లాడుతూ..‘యానిమల్ విషయంలో అందరి అభిప్రాయాలతో నేను కూడా పూర్తిగా ఏకీభవిస్తున్నాను. అందులో ఎలాంటి సందేహం లేదు. ఐతే, ప్రేక్షకులకు నచ్చే సినిమాలు తీసుకురావాల్సిన బాధ్యత మా పై ఉంది. కొత్తదనాన్ని ప్రోత్సహించాల్సిన అవసరం ఉంది. ఒక నటుడిగా ఇది చాలా ముఖ్యం. ఎప్పుడైతే నటులందరూ విభిన్నమైన పాత్రలు పోషిస్తారో.. అప్పుడే వారి కెరీర్‌ బాగుంటుంది’ అంటూ రణబీర్ తెలిపారు.
అన్నట్టు ఇదే వేదికపై రణ్‌బీర్‌ కపూర్ మాట్లాడుతూ.. బాలీవుడ్‌ దిగ్గజాలను నేటి తరానికి తెలిసేలా చేసే బాధ్యత మన అందరిపై ఉంది. అందులో భాగంగానే డిసెంబర్‌ 13 నుంచి 15 వరకు ఫిల్మ్‌ ఫెస్టివల్‌ను నిర్వహిస్తున్నాం. ఈ క్రమంలోనే భారతదేశమంతా రాజ్‌ కపూర్ సినిమాలను ప్రదర్శించనున్నాం’ అని రణ్‌బీర్‌ ప్రకటించారు. రాజ్‌ కపూర్ నటించిన కొన్ని అపురూమైన చిత్రాలను ఈ జనరేషన్ కి అందించాలని రణ్‌బీర్‌ కపూర్ చాలా పట్టుదలగా ఉన్నారట.