భారీ హంగులతో రూపొందిన ‘1000 వాలా’ చిత్రం మార్చి 14న థియేటర్లలో విడుదల కానుంది. యువ కథానాయకుడు అమిత్ ప్రధాన పాత్రలో నటించగా, సీనియర్ నటులు సుమన్, పిల్లా ప్రసాద్, ముఖ్తార్ ఖాన్ ముఖ్యపాత్రల్లో కనిపిస్తారు. సూపర్ హిట్ మూవీ మేకర్స్ బ్యానర్‌పై షారుఖ్ నిర్మించిన ఈ సినిమా ప్రేక్షకులలో మంచి ఆసక్తిని రేపింది. అద్భుతమైన నిర్మాణ విలువలతో రూపొందిన ఈ చిత్రం, ప్రేక్షకులను థ్రిల్ చేసే విధంగా ఉంది. కథలో మాస్ మరియు ఫ్యామిలీ ఎమోషన్స్ సమపాళ్లలో ఉండటంతో అందరికీ కనెక్ట్ అయ్యేలా తీర్చిదిద్దారు. సినిమా ప్రాముఖ్యతను పెంచేలా టీజర్, ట్రైలర్‌లతో ఇప్పటికే మంచి హైప్ క్రియేట్ అయింది. థియేటర్లలో ఈ సినిమా ప్రేక్షకుల అంచనాలను అందుకోగలదా అనేది ఆసక్తికరంగా మారింది.
కథ: నటుడిగా మారాలని కలలు కంటాడు అర్జున్ (అమిత్). చిన్నప్పుడే తల్లిదండ్రులను కోల్పోయి తాతయ్య వద్ద పెరుగుతూ ఉంటాడు.స్నేహితుడి సహాయంతో సినీరంగంలో ప్రవేశిస్తాడు. స్నేహితుడి సహాయం తో భవాని ప్రసాద్(ముక్తార్ ఖాన్) ను కలుస్తాడు. ఆ తర్వాత అతని స్నేహితుడు(సుమన్) అర్జున్ తో సినిమా నిర్మిస్తానని చెబుతాడు. హీరోయిన్ శైలాతో ప్రేమలో పడుతాడు. ఈ క్రమంలో కొన్ని నిజాలు తెలుసుకుంటాడు. చనిపోయిన అమిత్ స్థానంలో తనను పెట్టి సినిమా కంప్లీట్ చేస్తున్నారని తెలుసుకుంటాడు. మరోవైపు డేవిడ్ (షారుఖ్ భైగ్) కావ్యను చంపేందుకు ప్రయత్నిస్తాడు. కానీ ఆమె అమిత్‌ను తానే చంపానని అర్జున్‌కు నిజం చెబుతుంది. అమిత్ హత్య వెనుక ఉన్న రహస్యాలు, అర్జున్ దీనిని ఎలా ఎదుర్కొన్నాడన్నదే మిగతా కథ.
నటీనటులు: అటు అర్జున్‌గా, ఇటు అమిత్‌గా రెండు షేడ్స్ ఉన్న పాత్రలో అమిత్ డ్రీమ్ స్టార్ ఒదిగిపోయాడు. అతని డాన్స్‌లు ఎనర్జిటిక్‌గా, ఫైట్స్ పవర్‌ఫుల్‌గా అనిపించాయి. సీనియర్ నటులు సుమన్, ముక్తార్ ఖాన్ తమ అనుభవంతో ఆకట్టుకున్నారు. పిల్లా ప్రసాద్ కూడా తన పాత్రలో ఒదిగిపోయి మెప్పించాడు. మిగతా నటీనటులంతా తమకు దక్కిన స్కోప్‌ను సమర్థంగా ఉపయోగించుకున్నారు. ప్రతి పాత్రకూ సముచిత ప్రాధాన్యత ఇచ్చారు. టాలీవుడ్‌కు ఓ స్టైలిష్ విలన్ దొరికాడని చెప్పదగిన షారుఖ్ భైగ్, తన నటనతో హీరోకు ధీటుగా నిలిచాడు.
సాంకేతిక నిపుణులు: హీరో, విలన్ మధ్య సన్నివేశాలు ప్రేక్షకులను ఆకట్టుకునేలా తీర్చిదిద్దారు దర్శకుడు. తాత-మనవళ్ల సెంటిమెంట్ ఫస్ట్ హాఫ్‌లో బాగా వర్కౌట్ అవ్వగా, ఇంటర్వెల్ ఫైట్ మాస్ ఆడియన్స్‌కి విజువల్ ట్రీట్‌గా నిలిచింది.. టైటిల్ నుండే మాస్ అప్పీల్‌ చూపించి, gripping స్క్రీన్‌ప్లేతో ఆద్యంతం ఆకట్టుకునేలా చేశాడు. సెకండ్ హాఫ్‌లో మదర్ సెంటిమెంట్ హైలైట్ అయ్యింది. వంశీ కాంత్ రేఖాన సంగీతం సినిమాకి పెద్ద ప్లస్. చివరి పాట మాస్ ఆడియన్స్‌తో స్టెప్పులేయించేస్తుంది. బ్యాక్‌గ్రౌండ్ స్కోర్ కూడా చక్కగా ముడిపెట్టారు. చందు ఏజే సినిమాటోగ్రఫీ ఆకట్టుకోగా, పల్లెటూరి లొకేషన్లు అందంగా చూపించారు. ప్రొడక్షన్ డిజైన్ కూడా కథకి తగ్గట్టు కుదిరింది.
బలాబలాలు:
✅ అమిత్ డ్రీమ్ స్టార్ పెర్ఫార్మన్స్: హీరోగా తనదైన మార్క్ చూపించాడు, ఫైట్స్ & డాన్సులు హైలైట్.
✅ గ్రిప్పింగ్ స్క్రీన్‌ప్లే: ఫ్యామిలీ ఎమోషన్స్, మాస్ ఎలిమెంట్స్ మిళితమైన కథనంతో ఆసక్తికరంగా సాగింది.
✅ సినిమాటోగ్రఫీ & మ్యూజిక్: చందు ఏజే విజువల్స్, వంశీ కాంత్ రేఖాన బీజీఎం సినిమాకి పెద్ద ప్లస్.
✅ సీనియర్ యాక్టర్స్ పెర్ఫార్మెన్స్: సుమన్, ముక్తార్ ఖాన్, పిల్లా ప్రసాద్ తమ పాత్రలకు న్యాయం చేశారు.
✅ విలన్ షారుఖ్ భైగ్: స్టైలిష్ ప్రెజెన్స్, పవర్‌ఫుల్ నెగటివ్ షేడ్.
బలహీనతలు (Weak Points):
❌ కథలో కొత్తదనం తక్కువ: కామన్ కమర్షియల్ ఫార్ములా ఫిలిం ఫీలింగ్.
తీర్పు : ‘1000 వాలా’ మాస్, ఫ్యామిలీ ఆడియెన్స్‌కి చేరువైన కమర్షియల్ ఎంటర్‌టైనర్. రొటీన్ కథనమే అయినా, యాక్షన్, ఎమోషన్స్ బాగా వర్కౌట్ అయ్యాయి.
Rating: 2.5/5