Chat on WhatsApp
Published on Nov 26, 2024 3:30 PM IST
టాలీవుడ్‌లో మరో విషాదం చోటు చేసుకుంది. ప్రముఖ గేయ రచయిత కులశేఖర్ అనారోగ్య కారణాలతో మంగళవారం రోజు కన్నుమూశారు. గాంధీ ఆసుపత్రిలో ఆయన చికిత్స పొందుతూ మంగళవారం ఉదయం చనిపోయినట్లు ఆసుపత్రి వర్గాలు తెలిపాయి.
తన కెరీర్‌లో ఓ వెలుగు వెలిగిన సినీ రైటర్‌గా కులశేఖర్ గుర్తింపు పొందారు. చిత్రం, ఔనన్నా కాదన్నా, ఘర్షణ, భద్ర, నువ్వు నేను, సంతోషం, జయం వంటి హిట్ చిత్రాలకు కులశేఖర్ పాటలు అందించారు. ఇక ఆ తరువాత ఆయన కెరీర్‌లో చెప్పుకోదగ్గ సినిమాలు రాలేదు. దీంతో ఆయన కెరీర్ డౌన్ ఫాల్ అయ్యింది. దీంతో ఆయన మానసికంగా కుంగిపోయారు.
ఇప్పుడు ఇలా తన చివరి రోజుల్లో దయనీయ స్థితిలో మృతి చెందడం సినీ అభిమానుల్ని కలచివేస్తుంది. కులశేఖర్ మరణ వార్త గురించి తెలుసుకుని పలువురు సినీ ప్రముఖులు ఆయనకు నివాళులు అర్పిస్తున్నారు.