Chat on WhatsApp
Published on Nov 27, 2024 9:02 AM IST
ప్రస్తుతం అక్కినేని అభిమానులకి మాత్రం వరుస పెట్టి మంచి శుభవార్తలు వస్తున్నాయని చెప్పాలి. ఓ పక్క అక్కినేని నాగ చైతన్య సినిమాలు అలాగే తన పెళ్లి పనుల్లో కూడా బిజీగా ఉండగా ఇవి వారికి మంచి కిక్ ఇస్తున్నాయి. ఇక ఇవి కాకుండా లేటెస్ట్ గా అఖిల్ అక్కినేని కూడా పెళ్లికి సిద్ధం అయ్యిన వార్తలు వైరల్ అయ్యాయి. మరి ఈ క్రమంలోనే నాగ చైతన్య శోభిత ధూళిపాళల వివాహానికి సంబంధించి ఇంట్రెస్టింగ్ టాక్ ఒకటి వైరల్ గా మారింది.
దీనితో వీరి వివాహ వేడుక డాక్యుమెంటరీ హక్కులని దిగ్గజ స్ట్రీమింగ్ సంస్థ నెట్ ఫ్లిక్స్ కొన్నట్టుగా పలు రూమర్స్ స్ప్రెడ్ అయ్యాయి. అయితే వారు ఏకంగా 50 కోట్లకి కొన్నట్టుగా కూడా టాక్ వచ్చింది. మరి ఈ వార్తల్లో ప్రస్తుతం అయితే ఎలాంటి నిజం లేదు అన్నట్టుగా వినిపిస్తుంది. డాక్యుమెంటరీ ఆలోచనలు కానీ ఇంకా డీల్ పూర్తయ్యింది అనే వార్తల్లో ప్రస్తుతానికి ఎలాంటి నిజం లేదట. మరి దీనిపై ఓ అధికారిక క్లారిటీ మాత్రం ఇంకా రావాల్సి ఉంది.