Chat on WhatsApp
Published on Nov 28, 2024 3:30 PM IST
నందమూరి నటసింహం నందమూరి బాలకృష్ణ హీరోగా ప్రగ్యా జైస్వాల్ హీరోయిన్ గా మరో హీరోయిన్ శ్రద్దా శ్రీనాథ్ కూడా ముఖ్య పాత్రలో నటిస్తున్న భారీ చిత్రం “డాకు మహారాజ్”. దర్శకుడు బాబీ కొల్లి తెరకెక్కిస్తున్న ఈ సినిమా పట్ల భారీ హైప్ నెలకొనగా ఇపుడు సినిమా అంతిమ దశలో ఉంది. అయితే ఈ సినిమా నుంచి ఇపుడు వరకు చాలా తక్కువ మొత్తంలోనే అప్డేట్స్ వచ్చినప్పటికీ వచ్చిన కొన్ని కూడా అదరగొట్టాయని చెప్పాలి.
మరి ఈ సినిమాతో పాటుగా ఉన్న సంక్రాంతి సినిమాలు ఆల్రెడీ ఫస్ట్ సింగిల్స్ పై ఓ క్లారిటీ ఇచ్చాయి. కానీ ఈ సినిమా నుంచి ఇంకా ఫస్ట్ సింగిల్ పై మాత్రం ఇంకా ఎలాంటి అప్డేట్ రాలేదు. అయితే ఈ ఫస్ట్ సింగిల్ ని మేకర్స్ డిసెంబర్ మొదటి వారంలో రిలీజ్ చేసే ఛాన్స్ ఉన్నట్టుగా తెలుస్తుంది. ఆల్రెడీ బాలయ్య కోసం థమన్ మళ్ళీ సాలిడ్ వర్క్ అందించినట్టుగా తెలుస్తుంది. మరి ఈ సాంగ్ ఎలా ఉంటుందో చూడాల్సిందే.