Chat on WhatsApp
గ్లోబల్ స్టార్ రామ్ చరణ్, స్టార్ డైరెక్టర్ శంకర్ కాంబినేషన్‌లో తెరకెక్కిన ‘గేమ్ ఛేంజర్’ మూవీ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను సంక్రాంతి కానుకగా రిలీజ్ చేయబోతున్నట్లు చిత్ర యూనిట్ ఇప్పటికే వెల్లడించడంతో ఈ సినిమాను ఎప్పుడెప్పుడు చూద్దామా అని అందరూ ఆతృతగా చూస్తున్నారు. ఇక ఈ సినిమా నుండి తాజాగా మూడో సింగిల్ సాంగ్ రిలీజ్‌కు టైమ్ ఫిక్స్ చేశారు మేకర్స్.
గురువారం రోజున ఈ సినిమాలోని మూడో సింగిల్ సాంగ్‌గా నానా హైరానా అనే పాటను రిలీజ్ చేస్తున్నట్లు ప్రకటించిన మేకర్స్.. ఇప్పుడు ఈ సాంగ్‌ని సాయంత్రం 6.03 గంటలకు రిలీజ్ చేస్తున్నట్లు వారు అనౌన్స్ చేశారు. ఇక దీనికి సంబంధించి ఓ కలర్‌ఫుల్ పోస్టర్‌ను కూడా వారు రిలీజ్ చేశారు. ఈ పోస్టర్‌లో రామ్ చరణ్ సరికొత్త లుక్‌తో కనిపిస్తుండటంతో ప్రేక్షకుల్లో ఈ సినిమాపై మరింత హైప్ క్రియేట్ అవుతుంది.
మొత్తానికి డైరెక్టర్ శంకర్ ఈసారి గట్టిగానే ప్లాన్ చేస్తున్నాడని అభిమానులు ధీమా వ్యక్తం చేస్తున్నారు. ఇక ఈ సినిమాలో అందాల భామ కియారా అద్వానీ హీరోయిన్‌గా నటిస్తోండగా థమన్ ఈ చిత్రానికి సంగీతం అందిస్తున్నాడు.
The post ‘గేమ్ ఛేంజర్’ నానా హైరానా సాంగ్‌కి టైమ్ ఫిక్స్ first appeared on Latest Telugu Movie News, Reviews, OTT, OTT Reviews, Ratings.