Published on Dec 6, 2024 9:52 PM IST
ఐకాన్ స్టార్ అల్లు అర్జున్ నటించిన లేటెస్ట్ సెన్సేషన్ ‘పుష్ప-2’ బాక్సాఫీస్ దగ్గర రికార్డులు క్రియేట్ చేస్తోంది. దర్శకుడు సుకుమార్ తెరకెక్కించిన ఈ మాస్ యాక్షన్ ఎంటర్‌టైనర్ చిత్రాన్ని చూసేందుకు ప్రేక్షకులు థియేటర్లకు క్యూ కడుతున్నారు. అయితే, ఈ సినిమా రిలీజ్ సందర్భంగా ఓ విషాద ఘటన చోటు చేసుకున్న సంగతి తెలిసిందే.
‘పుష్ప-2’ మూవీని బుధవారం రాత్రి స్పెషల్ ప్రీమియర్స్ ప్రదర్శించారు. ఇందులో భాగంగా ఆర్టీసీ క్రాస్ రోడ్స్‌లోని సంధ్య 70ఎంఎం థియేటర్లో తన చిత్రాన్ని చూసేందుకు అల్లు అర్జున్ కుటుంబంతో సహా వచ్చారు. ఈ క్రమంలో తమ అభిమాన హీరో ని చూసేందుకు అభిమానులు ఎగబడటంతో జరిగిన తొక్కిసలాటలో రేవతి అనే మహిళ మృతి చెందింది. ఆమె కుమారుడు గాయాలతో ఆస్పత్రిలో చేరాడు. ఈ విషాదకర ఘటనపై అల్లు అర్జున్ తాజాగా స్పందించాడు.
తన సినిమా చూసేందుకు వచ్చిన అభిమాని ఇలా మృతి చెందడం నిజంగా దురదృష్టకరం. తాను సినిమాలు చేసేదే అభిమానులు చూసి సంతోష పడతారని.. ఇలాంటి ఘటనలు చోటుచేసుకోకుండా అందరూ తగు జాగ్రత్తలు తీసుకోవాలని.. బాధితురాలి కుటుంబానికి పుష్ప టీమ్ ఎల్లప్పుడూ అండదండగా ఉండనుంది.. రేవతి మృతి పట్ల తన ప్రగాఢ సానుభూతి వ్యక్తం చేస్తూ, ఆమె కుటుంబానికి రూ.25 లక్షలు ఎక్స్‌గ్రేషియా అందించనున్నట్లు అల్లు అర్జున్ ప్రకటించాడు. ఇలా ఓ అభిమాని తమ సినిమా కోసం వచ్చి మృతి చెందడంతో ‘పుష్ప-2’ టీమ్ సక్సెస్ సెలబ్రేషన్స్ జరుపుకోలేదని అల్లు అర్జున్ ఈ సందర్భంగా తెలిపాడు.
Deeply heartbroken by the tragic incident at Sandhya Theatre. My heartfelt condolences go out to the grieving family during this unimaginably difficult time. I want to assure them they are not alone in this pain and will meet the family personally. While respecting their need for… pic.twitter.com/g3CSQftucz
— Allu Arjun (@alluarjun) December 6, 2024