సినీ రంగంలో వెలుగులో కనిపించే నక్షత్రాల వెనుక ఎన్నో చీకటి కధలు దాగి ఉంటాయి. టెలివిజన్ నటి షైనీ దోషి (Shiny Doshi) అలా తన బాధను, బాధ్యతను ప్రజలతో పంచుకున్నారు. ఇటీవల ఓ ఇంటర్వ్యూలో ఆమె తన తండ్రి (Father) గురించి చేసిన కామెంట్స్ సోషల్ మీడియాలో తీవ్ర చర్చకు దారి తీశాయి. చిన్నతనంలో తన తండ్రి చేసిన వేధింపులు (Abuse) వల్ల తాను మానసికంగా తీవ్రంగా తట్టుకోవాల్సి వచ్చిందని చెప్పి ఆమె కంటతడి పెట్టారు.
గుజరాత్‌లో జన్మించిన షైనీ, మొదట ఫ్యాషన్ డిజైనింగ్ (Fashion Designing) చేసి మోడలింగ్ (Modeling) ద్వారా కెరీర్ ప్రారంభించారు. తర్వాత “సరస్వతీచంద్ర” అనే హిందీ సీరియల్ (Hindi Serial) ద్వారా నటిగా గుర్తింపు పొందారు. ప్రస్తుతం టీవీ రంగంలో మంచి గుర్తింపు పొందిన ఆమె తన వ్యక్తిగత జీవితంలోని బాధలను తెరపై చెప్పడంతో అభిమానులు షాక్‌కి గురయ్యారు.
షైనీ తెలిపిన ప్రకారం, తన తండ్రి చిన్న వయసులోనే వారిని వదిలిపెట్టి వెళ్లిపోయారు. ఆర్థికంగా కష్టాలు వచ్చాయి. 16 ఏళ్ల వయసులో తాను పని చేయాల్సి వచ్చింది. పైగా, తన తండ్రి ఆమెను అసభ్య పదాలతో తిడుతుంటారని, తన తల్లిని కూడా హేళనగా చూస్తాడని ఆమె చెప్పారు.
ఇలాంటి పరిస్థితుల్లోనూ షైనీ దోషి ధైర్యంగా ఎదిరించి, జీవితంలో ముందుకు సాగారు. ఆమె కథ ఎంతో మందికి స్ఫూర్తిగా నిలుస్తోంది. Celebrities జీవితాల్లో కూడా ఎంతో బాధలు దాగి ఉంటాయని ఇది మరో ఉదాహరణ.