పాన్ ఇండియా స్టార్ ప్రభాస్‌తో సందీప్ రెడ్డి వంగా తెరకెక్కిస్తున్న భారీ చిత్రం స్పిరిట్ (Spirit) పై ఇప్పటికే అంచనాలు ఆకాశాన్ని తాకుతున్నాయి. మొదట ఈ సినిమాలో ప్రభాస్ సరసన దీపికా పదుకొణె హీరోయిన్‌గా నటిస్తుందని ఊహించారు. ఈ కాంబినేషన్‌ ‘కల్కి’ వంటి భారీ ప్రాజెక్ట్ తర్వాత రావడంతో, ఫ్యాన్స్ భారీగా ఆసక్తి చూపించారు. కానీ తాజాగా ఈ ప్రాజెక్ట్ నుంచి దీపికా తప్పుకున్నారనే వార్త షాక్‌ ఇచ్చింది.
ఇదేగాక దీపిక తన కెరీర్‌లో గతంలో కూడా పలు బ్లాక్‌బస్టర్ సినిమాలను వదిలేసిన సంగతి చాలా మందికి తెలియకపోవచ్చు. ఉదాహరణకి, 2022లో రిలీజైన గంగూబాయి కాఠియావాడి సినిమాలో మొదట దీపికానే తీసుకోవాలని భావించారని టాక్‌. అయితే చివరకు అలియా భట్ నటించి జాతీయ ఉత్తమ నటి అవార్డు దక్కించుకుంది. అలాగే 2011లో వచ్చిన రాక్‌స్టార్, 2016లో సల్మాన్ ఖాన్ సినిమా ఛాన్సులు కూడా ఆమె వదిలేశారు. ఆ ప్రాజెక్టులు తరువాత వరుస విజయాలుగా నిలిచాయి.
ఇక అంతర్జాతీయంగా గుర్తింపు పొందిన ఫాస్ట్ అండ్ ఫ్యూరియస్ 7, ధూమ్ 3, జబ్ తక్ హై జాన్ సినిమాల్లో కూడా దీపికాను మొదట అప్రోచ్ చేసినట్లు సమాచారం. కానీ డేట్స్ సమస్యల వల్ల ఆమె తప్పుకోవాల్సి వచ్చింది. ఆ స్థానాల్లో నటించిన నటీమణులకు ఆ సినిమాలు బ్రేక్ ఇచ్చాయి.
ఈ missed opportunities కాకపోతే, దీపికా కెరీర్ మరింత విశ్వవ్యాప్తంగా మారేదేమోనని ఫిల్మ్ లవర్స్ అంచనా వేస్తున్నారు. కానీ ఆమెకు ఇప్పటికే ఉన్న క్రేజ్ మాత్రం తగ్గలేదు.