తక్కువ బడ్జెట్, స్టార్ హీరోలేని సినిమా.. కానీ ప్రేక్షకులను నవ్వించి, ఏడిపించి, మనసులను గెలిచింది. అదే టూరిస్ట్ ఫ్యామిలీ. తమిళంలో మే 1న విడుదలైన ఈ సినిమా పెద్దగా ప్రచారం లేకుండానే బాక్సాఫీస్‌ను షేక్ చేసింది. ప్రముఖ నటులు శశికుమార్, సిమ్రాన్ ప్రధాన పాత్రల్లో నటించగా, అభిషాన్ దర్శకత్వం వహించారు.
ఫ్యామిలీ డ్రామా, కామెడీ, ఎమోషన్స్ మేళవించిన ఈ చిత్రం చిన్నారుల నుంచి పెద్దల వరకు అందరినీ ఆకట్టుకుంది. స్టార్ డైరెక్టర్లు, హీరోలైన రజనీకాంత్, ఎస్.ఎస్. రాజమౌళి, నాని, శివ కార్తికేయన్ లాంటి వారు ఈ సినిమాను పొగడ్తలతో ముంచెత్తారు.
ఇప్పుడు ఈ చిత్రం జియో హాట్ స్టార్ లో స్ట్రీమింగ్ అవుతోంది. తెలుగు, తమిళం, మలయాళం, కన్నడ, హిందీ భాషల్లో అందుబాటులో ఉంది. థియేటర్లలో మిస్ అయితే, ఇంట్లో కుటుంబంతో కలిసి ఈ సినిమాను తప్పక చూడాల్సిందే.
టూరిస్ట్ ఫ్యామిలీ నిరూపించింది – కంటెంట్ ఉండాలి కానీ స్టార్ లు అవసరం లేదు. ఇది ప్రతి సినీ ప్రేమికుడు తప్పకుండా చూడాల్సిన సినిమా!