హీరో అల్లరి నరేష్ అప్‌కమింగ్ యాక్షన్ ఎంటర్‌టైనర్ ‘బచ్చల మల్లి’. సోలో బ్రతుకే సో బెటర్ ఫేమ్ సుబ్బు మంగాదేవి ఈ చిత్రానికి దర్శకత్వం వహిస్తున్నారు. అమృత అయ్యర్ హీరోయిన్‌గా నటిస్తున్నారు. సామజవరగమన, ఊరు పేరు భైరవకోన బ్లాక్ బస్టర్స్ తర్వాత హాస్య మూవీస్ బ్యానర్‌పై రాజేష్ దండా, బాలాజీ గుత్తా ఈ చిత్రాన్ని నిర్మించారు. ఇప్పటికే విడుదలైన టీజర్, పాటలకు ట్రెమండస్ రెస్పాన్స్ వచ్చింది. బచ్చల మల్లి డిసెంబర్ 20న క్రిస్మస్ సందర్భంగా విడుదల కానుంది. ఈ సందర్భంగా నిర్మాత రాజేష్ దండా విలేకరుల సమావేశంలో సినిమా విశేషాలు పంచుకున్నారు.
బచ్చల మల్లి కథ ఎప్పుడు విన్నారు? ఈ జర్నీ ఎలా స్టార్ట్ అయింది?
‘ఇట్లు మారేడుమిల్లి’ సినిమా షూటింగ్ జరుగుతున్నప్పుడు ‘బచ్చల మల్లి’ కథ విన్నాను. కథ వినగానే బాడీలో ఒక ఎనర్జీ క్రియేట్ అయింది. మంచి ఎమోషనల్ ఫ్యామిలీ యాక్షన్ డ్రామా. నా మైండ్ లో ఈ కథ ఉండిపోయింది. ఎక్కడికి వెళ్లినా ఈ కథే గుర్తుకొచ్చేది. నరేష్ గారికి కథ చాలా నచ్చింది. అయితే అప్పటికే నరేష్ గారు వేరే సినిమాలు కమిట్ అవ్వడం వల్ల ఆయన కోసం రెండేళ్లు వెయిట్ చేసి ఈ సినిమా చేశాం.
ఇది రియల్ లైఫ్ స్టొరీనా?
మా డైరెక్టర్ గారిది తుని. అదే ఊర్లో బచ్చల మల్లి అనే ఒక వ్యక్తి ఉన్నారు. కేవలం ఆయన పేరుని మాత్రమే ఈ సినిమా కోసం తీసుకున్నాం. ఇది ఫిక్షనల్ స్టోరీ. రామ్ చరణ్ గారికి రంగస్థలం ఎలానో నరేష్ గారికి బచ్చల మల్లి అలాంటి సినిమా అవుతుంది.
బచ్చల మల్లి ఎలాంటి కథ?
లైఫ్ లో తప్పులు చేయొచ్చు. కానీ సరిదిద్దుకోలేని తప్పులు చేస్తే ఎలా ఉంటుందో బచ్చలమల్లిలో చూపించాం. మూర్ఖత్వం బోర్డర్ దాటేసిన క్యారెక్టర్ ఇది. సినిమాలో ఎమోషన్స్ చాలా అద్భుతంగా ఉంటాయి. డైరెక్టర్ సుబ్బు చాలా కసితో సినిమా చేశాడు. మా బ్యానర్ లో తను వన్ ఆఫ్ ది బెస్ట్ డైరెక్టర్.
విశాల్ చంద్రశేఖర్ మ్యూజిక్ గురించి?
ఈ సినిమాలో విశాల్ చంద్రశేఖర్ మ్యూజిక్ వన్ అఫ్ ది హైలెట్. పాటలు ఇప్పటికే జనాల్లోకి వెళ్ళాయి. సినిమా చూసిన తర్వాత ఇంకా బాగా కనెక్ట్ అవుతారు. బ్యాగ్రౌండ్ స్కోర్ అద్భుతంగా చేశారు. ఆర్ఆర్ తో నెక్స్ట్ లెవల్ కి తీసుకెళ్లారు.
హీరోయిన్ అమృత అయ్యర్ గురించి?
హనుమాన్ సినిమా టీజర్ చూసి ఆమెను సంప్రదించడం జరిగింది. ఇందులో అమృతది మంచి పర్ఫామెన్స్ ఓరియెంటెడ్ క్యారెక్టర్. మెమొరబుల్ గా ఉంటుంది. తనకు చాలా మంచి పేరు వస్తుంది.
రావు రమేష్ గారి క్యారెక్టర్ గురించి?
రావు రమేష్ గారి క్యారెక్టర్ చాలా ఇంపాక్ట్‌ఫుల్‌గా ఉంటుంది. ఈ కథ విన్నప్పుడే ఆ క్యారెక్టర్‌ని ఆయనే చేయాలని భావించాం. చాలా అద్భుతంగా వచ్చింది.
కొత్త ప్రాజెక్ట్స్ గురించి?
సందీప్ కిషన్ గారితో చేస్తున్న ‘మజాకా’ నాకు చాలా ఇష్టమైన సినిమా. అలాగే కిరణ్ అబ్బవరం గారి సినిమా ఫిబ్రవరి నుంచి స్టార్ట్ అవుతుంది. ఒక పాన్ ఇండియా సబ్జెక్ట్ కుదిరింది. త్వరలో ఆ వివరాలు చెప్తాను.