టాలీవుడ్ లో చేసింది తక్కువ సినిమాలే అయినా స్టార్ హీరోయిన్ సొంతం చేసుకున్న భామతో మృణాల్ ఠాకూర్ ఒకరు. బాలీవుడ్ లో సీరియల్స్ చేసి ఆతర్వాత సినిమాల్లోకి వచ్చింది మృణాల్. అక్కడ రెండు మూడు సినిమాలు చేసింది.
ఆతర్వాత తెలుగులో సీతారామం అనే సినిమాతో పరిచయం అయ్యింది. హనురాఘవాపుడి దర్శకత్వంలో వచ్చిన ఈ సినిమా మంచి విజయాన్ని అందుకుంది. ఈ సినిమాలో సీతామహాలక్ష్మీగా ఆకట్టుకుంది మృణాల్ ఠాకూర్. ఈ అమ్మడి నటనకు అందరూ ఫిదా అయ్యారు.
ఆతర్వాత నేచురల్ స్టార్ నాని తో కలిసి హాయ్ నాన్న అనే సినిమా చేసింది. ఈ సినిమా కూడా మంచి విజయాన్ని అందుకుంది. హాయ్ నాన్న సినిమా తర్వాత మృణాల్ క్రేజ్ డబుల్ అయ్యింది. వరుసగా సినిమాలు క్యూ కట్టాయి.
విజయ్ దేవరకొండతో కలిసి ఫ్యామిలీ స్టార్ అనే సినిమా చేసింది మృణాల్ ఠాకూర్. భారీ అంచనాల మధ్య విడుదలైన ఈ సినిమా ఆశించిన స్థాయిలో ఆకట్టుకోలేకపోయింది. దాంతో మృణాల్ కాస్త నిరాశపడింది. రీసెంట్ గా మరో బ్లాక్ బస్టర్ మూవీలో మెరిసింది.
రెబల్ స్టార్ ప్రభాస్ హీరోగా నటించిన కల్కి సినిమాలో చిన్న పాత్రలో కనిపించింది మృణాల్ ఠాకూర్. ఇదిలా ఉంటే తాజాగా సోషల్ మీడియాలో కొన్ని ఫోటోలు షేర్ చేసింది. మ్యాగజైన్ కోసం ఇలా కొన్ని స్టిల్స్ ఇచ్చింది మృణాల్.