దాదాపు నాలుగేళ్లపాటు షూటింగ్ జరుపుకున్న కల్కి సినిమా ప్రేక్షకులను ఆకట్టుకుంటోంది. విడుదలైన తొలి షో నుంచి పాజిటివ్ టాక్తో దూసుకుపోతోంది. కలెక్షన్ల పరంగా కూడా సరికొత్త అధ్యయనం లిఖిస్తోంది కల్కి. ప్రపంచవ్యాప్తంగా విడుదలైన ఈ సినిమా అన్ని ఏరియాల్లో మంచి టాక్ సంపాదించుకుంది.
వీకెండ్ కావడం పోటీగా మరే సినిమా లేకపోవడంతో కల్కి కలెక్షన్లు మరింత పెరిగే అవకాశం ఉందని ట్రేడ్ వర్గాలు అంచనా వేస్తున్నాయి. ఇప్పటికే ఈ సినిమా మొదటి రోజు ఏకంగా రూ. 180 కోట్లకు పైగా వసూళ్లను రాబట్టిందని తెలుస్తోంది. దీంతో కల్కి కచ్చితంగా టాలీవుడ్లో సరికొత్త రికార్డులను నెలకొల్పడం ఖాయంగా తెలుస్తోంది. ఇక దర్శకుడు నాగ అశ్విన్ విజన్కు ప్రశంసలు సైతం లభిస్తున్నాయి. పురాణాలను, ఆధునిక ప్రపంచాన్ని మిలితం చేసి తెరకెక్కించిన అద్భుతం అందరినీ ఆశ్చర్యానికి గురి చేస్తోంది.
ప్రభాస్, అమితాబ్, కమల్ హాసన్ లాంటి అగ్ర హీరోలు నటించడం దీపికా పదుకొణెతో పాటు మరెంతో మంది స్టార్ కాస్టింగ్ ఈ సినిమాను విజయ తీరాలకు చేర్చింది. ఇదిలా ఉంటే ప్రస్తుతం నెట్టింట మొత్తం కల్కి గురించే చర్చ జరుగుతోది. కల్కి సినిమా గతంలో వచ్చిన సినిమాల రికార్డులను బ్రేక్ చేస్తుందా.? లేదా.? అన్న కోణంలో చర్చ జరుగుతోంది. ఏయే రికార్డలను కల్కి బ్రేక్ చేసిందన్న చర్చ జోరుగా సాగుతోంది. అయితే తాజాగా ఇదే విషయమై స్పందించారు నిర్మాత స్వప్న దత్.
స్వప్న దత్ చేసిన పోస్ట్..
#Kalki2898AD pic.twitter.com/85X4CYqNij
— Swapnadutt Chalasani (@SwapnaDuttCh) June 28, 2024
కల్కి సినిమా రికార్డులకు సంబంధించి స్పప్న ఇన్స్టాగ్రామ్ వేదికగా ఇంట్రెస్టింగ్ పోస్ట్ చేసింది. ఇందులో భాగంగా ఆమె పోస్ట్ చేస్తూ.. ‘చాలా మంది నాకు ఫోన్ చేసి కల్కి రికార్డ్లను క్రాస్ చేసిందా అని అడుగుతున్నారు. ఇది నాకు ఆశ్చర్యంగా అనిపిస్తోంది. దీనికి కారణం రికార్డులను సృష్టించిన వారెవరూ కేవలం రికార్డుల కోసమే సినిమాలను తీయరు. సినిమాలు తీసేది.. సినిమాపై ప్రేమతో తీస్తారు, ప్రేక్షకుల కోసం తీస్తారు. మేము కూడా కల్కి సినిమాని అలాగే తీశాం’ అని రాసుకొచ్చారు. దీంతో స్వప్న చేసిన ఈ పోస్ట్ ప్రస్తుతం నెట్టింట వైరల్ అవుతోంది.
మరిన్ని సినిమా వార్తల కోసం క్లిక్ చేయండి..